يابخت من بات مظلوم ولا ظالم

مساء الخير
انا عضوه جديده اللي خلاني اسجل في هالمنتدى اشياء كثيره
انا لي حول سته شهور اتردد على المنتدى كزائره واعجبني كثيييير
انا عندي مشكله ومالقيت احد يدلني على الحل .زوجي ماقصر معي وقف معي للآخر لحظه.
لي اخت اصغر مني متزوجه وعندها طفلين هي سكنها قريب من اهل زوجها اتواصل انا وهي من وقت للثاني واكثر شي عند اهل زوجها. انا اعامل الكل بنيه وحده. ظلت علاقتنا سنه كامله سمن على عسل. لدرجة ان اهل زوجها حبوني .وعلى قولتهم اكلتي الجو على غيرك.وثقت فيهم لدرجة اني اعتبرتهم اهلي.صارت اختي تتعذر لمن ابي اروح لها او لهم.مره من المرات قبل 5شهور انظلمت ظلم في حياتي كلها ماقد حصلي كذا .جاني اتصال من وحده من قرايب اهل زوج اختي وقالت انتي سبيتي اخت زوج اختك بشي مااقدر اكتبه. انا من بعد هالمكالمه لاليلي ليل ولا نهاري نهار.المشكله انهم صدقوا فيني من دون مايتأكدون من صحة الكلام.وسارت مشكله كبيره لدرجة أنهم اتصلو بأهل زوجي وقالو أني قلت في أهل زوجي كلام وانا بريئه منه.صار بوضع التهمه انا وأختي.اهلي يبون يحلون المشكله قامو وبرءوا أختي وحطوها براسي ليش؟ لأن اختك معها طفلين . وحرام نشتتهم وانتي لسه ماعندك اطفال وتتحملين.وتثبتت التهمه علي واللي ثبتها اهلي. تدرون من اللي وقف معي ؟ اهل زوجي وزوجي لأنهم يدرون فيني ماني من النوع هذا.
انتهت القصه انا المتهمه والشاهد علي أهلي بس من دون دليل .
تعبت نفسياَ بشكل مايوصف سرت اخاف حتى من ظلي .ما احب اجتمع بأحد عشان ماأحد يقول شد5ن قالت كذا ماسرت احضر مناسبات.
طلع اختي لها يد في كل اللي حصلي هي واهلي.
قاطعت اختي . أكره ابوي وامي كل ماأشوفهم أتذكر كل شي .انا تعبت بشكل فضيع.وش أسوي أقاطع أهلي؟.ليش الطيب في هالدنيا وماشي صح إلا لازم تتشوه سمعته. بس الحمدلله سمعتي ولله الحمد عكس اللي حاولو يشوهونها . لكن تثقين في ناس هم أهلك وفي أختك ويطعنونك في الظهر .حرااام
لكن ما أقول الأا حسبي الله ونعم الوكيل