يابعد جبدتي انتو دخلوا هنا (^_^)

حبيباتي بنات حواء الحلوووووووات بصراحة جيت استشيركم بشيء ولو انه بدري عليه شوي بس ولاني مو جايني نوم وحابه اني اسولف قلت خلني اطرح عليكم الموضوع وتشاركوني افكاركم ياحبي لكم :39:

المهم القصة ومافيها ان انا عندي ولد عمره ثلاث سنوات واربع شهور ماشاء الله الله يحفظه لي ولابوه يااااااااااارب
وتاركت المانع لي شهور وانا هالشهر اخذت كلوميد وبإذن الله الواحد اني احمل في ذا الشهر يااااااارب
وودي بعد مااولد بالسلامة ويكمل البيبي الا اجيبه سنة كمان احمل على طول يعني لما اولد الثالث يكون بينهم سنة وتسع شهور وبعدها اوقف لين يدخل المدرسة اربي ثلاثه مع بعض يعني
ان وش الا يخليني اقول كذا لاني احس الان ان ولدي صار كبير وكان لازم اجيب له اخ او اخت بدري اكثر على عمر السنتين يعني لانه اول واحد ولابد له احد يونسه ولو اني عملت كذا كان ارتحت عليهم لين يكبرون بس خلاص قضي الامر
فاانا اقول اجيب الان اثنين ورا بعض واريح بعدها بس فيه اشياء تعيقني وهي كثيره منها ان زوجي (يغب) يعني مقر عمله بمنطقة وانا بمنطقة ومااقدر اروح معاه بسبب اني ادرس هذا شيء وانا تبعت مرة في تربية ابني لانه بعيد عنا
والسبب الثاني زي ماهو واضح اني ادرس ولسه بدري على اني اخلص دراسة يعني مااقدر اوقفها
وشيء كمان ان ولدي الله يصلحه شيطوون يعني اسم الله عليه شاطر وفاهم وذكي ماشاء الله بس مغلبني يمكن لان ابوه مو معانا انا تعبت معاها كثير فااخاف اجيب الا يشيبوني :06:
وشيء اخير اقول اني بعدني صغيرة هههههههههههه ادري الا عمري جابو نص درزن ماشاء الله مااصغر عمري صراحة وادري ان فيه بنات جابو اكثر مني بنفس عمري بس فيه بنات لساتهم ماتزوجوا بنفس عمري ومااقدر اقول عنسوا لانهم صغار وودي انبسط اكثر بالعزايم والروحات والجيات (وهذا التفكير كله ترا بسبب ان زوجي اغلب الوقت بعيد عنا فاانا صرت محبوسه اغلب الوقت في البيت بسبب ولدي وصرت مااحب اثقل على اهلي بطلباتي او اني اطلع وولدي يوم هو صغير يبكي كثير ويوم كبر يحوس كثير وبعدها صار يعاندني مع انه الان صار اهدء اللهم صلي على النبي) وانا عمري 22 للمعلومية
ماادري شلون بتفهمون كلامي بس ان شاء الله فكرتي وملخص الكلام وصل لكم واتمنى انكم تحاولون تدلوني على التفكير السليم