يابنات أنا استخدمت زبدة الكاكاو وشوفو ايش سوت في شفايفي

السلام علبكم
انا كانت شفايفي مقطعة ولونها بني من الأطراف وموف في النص ...............(لحظي الفعل هنا فعل ايه حزروووووووووو؟؟؟؟؟ ماضي ) والآن ماشاء الله شفايفي وردية وناعمة وتتقطع بس اخر الليل عشان اكلها وهذا بالنسبة لي شي مرة طيب المهم أنا ايش سويت ؟؟؟؟؟؟؟؟؟
حطيت في البداية فيكس واستمريت عليه لمدة اسبوعين الله يجزاها خير وحدة مني مذكرة اسمها قالت عنه وفعلا فادها الله يدخلها الجنة من غير حساب
وبعدين قريت في منتدانا الحبيب عن وحدة برضو كاتبة عن زبدة الكاكاو انها مفيدة وترطب الجلد من بالمرز المها وانا استخدمتها لوجهي وجسمي وفكرت قلت ليه يابنت ماتحطيها في شفايفك وحطيتها والنتيجة فتاكة رهيبة وردت شفايفي ونعمت وصرت أقعد لنهاية الدوام تقريبا (اذا ماأكلتها) ناعمة وكم مرة اروح الدوام وما احط روج تخيلو من نعومتها
وحبت انكم تستفيدو من تجربتي زي ما أن استفدت
وعندي طلب منكم الله يخليكم اللي تدخل الموضوع حتى لو ماتبغى ترد تدعي لولدي انو ربي يهديه والله تعبني ويفشلني دايما قدام الناس :26: :26: :26: