يابنات إنتبهوا

ما أدري إشلون أشرح هالمصيبة بس للأمانه حاجه ما تتوقعها أي بنت أو زوجة تكون من أخ أو زوج ما راح أطول والله مستغربه وإللي تشعر أنها ممكن تتعرض لمثل ها لموقف تنتبه لها

صديقتي زوجها متعود على السفرات من دونها ولأنها عارفة بسوالف زوجها ردت على جواله لما شافت الرقم خارجي وهي تقول ما كان ودي أرد كنت بس أبي أسمع وراح أقفل الخط تفاجئت بصوت نسائي سألتها من تكوني قالت لها أنا صديقة زوجك من زمان وكل إسبوع هو عندي ويموت فيني صديقتي عصبت عليها وكانت المفاجاة قالت لها الفتاة وهي من جنسية عربية . أصلأ ما في مقارنه بيني وبينك شفت صورتك انت أكثرمن عادية خلي زوجك يشرح لك كيف الأنوثه عندي قالت لها صديقتي وأنتي وين شايفتني حتى تتكلمين عني كذا قالت لها من صورتك إللي في جواز سفرك لآن زوجك حبيبي ما يقدر يفوتني على الفندق إلا بالطريقة هذة وزوجك ما يقصر ملبسني غطى والكل يعتقد إني زوجته صديقتي المسكينة تقول داري راسي وما حسيت بحاجة صرت أهلوس معقول ما عنده غيرة لهذه الدرجه صديقتي ألحين في بيت أهلها وتقول أموت ولا أرجع له .
علشان كذا كل وحدة يا اخواتي تأخذ بالها من جواز سفرها طبعاً إذا تعرف أن زوجها من النوع إللي يحب السفر من دونها وتصرفاته من نوعية زوج صديقتي ما قصدي أخوفكم يا بنات بس الحذر واجب حتى البنات إللي مو متزوجين إذا عندك أخ من هذا النوع إنتبهي . وبعدين أنا قلت خذوا الحذر ما قلت تهاوشوا مع أزواجكم وطلبوا جوازاتكم بالغصب المسئلة يبي لها سياسة علشان ما يحس أنك تشكي فيه والله يصلح امورنا جميعاً .