يابنات احذرو علي ازوجكم من العزوبي

السلام عليكم ورحمة الله وبركاته،،،
حبيت اسألكم يابنات هل تغاري علي زوجك من العزوبي انا صراحه اغار عليه كثير من العزوبي بس صراحه طلع معايه حق اسمعو ايش يقول العزوبي يا خوفي يغوي زوجي :30:
ويصدق كلامه
قال العزوبي يوم شاف المعاريـس 0000 الرابـح اللـي لاقعـد مايقـومـي

اول سنـه كـل يبـث الاحاسيـس 0000 وثاني سنه تجلب عليـك الهمومـي

وثالث سنه حط الرمـل والمتـارس 0000 لابد مـن حـرب تقـوم وتدومـي

لامن دخلت الـدار لاكنهـا بليـس 0000 متلفلـف فـي غاليـات الهدومـي

تاخذ من المخباه وتسحب من الكيس 0000 وتغيـر الموديـل شـي لـزومـي

وان قلت ما املك يامره لو هو فليس 0000 قالـت تديـن لاتكـثـر بلـومـي

ليتك تساعدني تصحـح كراريـس 0000 زادو علينا اربع حصص في العلومي

إزوارة في العصر والصبح تدريس 0000 والليـل تصحـيـح ودي أنـومـي

تبكي إذا جاها وجع لو هو ضريـس 0000 وتقول أبي دكتور ماهـو حكومـي

يروح عمرك بين عرس وتأسيـس 0000 وأربع سنيـن والبزاريـن كومـي

وسط المطابخ بين قـز ومحاميـس 0000 هـذا صحـن رز وهـذاك ثومـي :angry:

ولا خلصت إمنظف ٍ كل الملاليـس 0000 جتك تقول إنهـج نبـي زود لومـي

ولا جبت قالت إكنس الحوش تكنيس 0000 خل البلاط يصيـر مثـل النجومـي

ومكرس جهدك من الخوف تكريـس 0000 و إن نادتك بالصوت أقبلت مومـي

يجيك تالـي الليـل دايـم كوابيـس 0000 ويشيبنـك مزعجـات الحلـومـي

تعيش يالمعـرس حيـاة المحابيـس 0000 وشف العزوبي بكل شارع يحومـي

من مفرق جلاجل إلى جوي الخيـس 0000 و إن حار حايرهم بوسطه يعومـي

يفرح إذا شاف الوتـر والمراويـس 0000 وفي كل يـوم كاشـت ٍ ومعزومـي

شف العزوبي مايعرف الهواجيـس 0000 ولا يـودي حرمتـه كـل يومـي

ياعنك ماحاش الفخـر والنواميـس 0000 إلا عزوبـي يـعـرف السلـومـي

إذا أعرس المعرس غدا عندنا هيـس 0000 ونزيل إسمه مـن سجـل القرومـي

وإلى بغيـت البهذلـة والدحاويـس 0000 فأعرس وخلك من عداد الرخومـي

وش صابكم من عرسكم يالمفاليـس 0000 وش إستفتدوا غيـر دق الخشومـي

إللي تزوج إشهد إنـه غـدا تعيـس 0000 والرابح إللـي ماخـذٍ لـه عمومـي

ترى عناق العام نطت على التيـس 0000 والحر عقب العرس يصير بومـي
أنشاء الله اعجبتكم
هله هله بالردود خلوني استانس شويه