يابنات ادخلو شوفو يلي صار ...شي غريب طيرلي عقلي ..

السلام عليكم ...ادخل في الموضوع على طول
الي تعرف قصتي ..انه زوجي خاطب وقريب بيتزوج
وانا الحمد لله راضيه بقدري وهو معي متل الاول
وعايشين حياتنا بخير والحمدلله
زوجي رجع المسا وراح للكمبيوتر وبعدها ناداني
رحت وفاجاني قلي انت لي بعتي صوره هي
ل...يقصد خطيبته
انا انصدمت وتطلعت في الصوره لقيتها
صورتي انا واياه
ما تتصورو صدمتي وانا والله ما اعرف الباسبورد
بتاع المسنجر
حلفتله على المصحف ...قلتله يمكن انت فاتح
اليوم وبلغلط بعتها
اكدلي لا ومعاه حق في الوقت ال انبعثت
الصوره كان معي يقيس في قمصان اشتراها
وبعدها على طول طلعنا للدكتور
وبعدها وصلني وراح يحكي معها
يابنات راح ننجن في حدا داخل لحسابه وبعات عديك
الصوره لي بعتها ليه من اشهر
يعني هاد الشخص بيعرفنا احنا الثلاته
وبده يعمل مشاكل بينهم
بس كيف قدر يدخل لحساب زوجي من غير ما يعرف
كلمه السر
انا عقلي راحوينفجر من التفكير
الي تفهم في الكمبيوتر تفهمني
خطيبته اتهمته انه هو باعتها وعلى حسب كلامه
تشاجر معها وانا والله عندي امايلها بس
ما اعملها ..اد لما التقيت فيها ما سمعت مني
الا طيب الكلام ولما مرضت بعتلها رساله اسال
عليها وهي ردت علي
مستحيل اعمل هي الحركه وخاصه مو مجنونه
ابعث صوري للناس
انا شاكه في حدا من طرفها يعرف الكمبيوتر
هي ساكنه مع بنتين ..ويمكن غيرانين منها
وهي على ما اضن مخبيه انه متزوج
فبعثولها الصوره تبين انها كشفت انه متزوج
اه يا راسي ..والله كيف ما فكرت ما لقيت
حل ..استغفر الله ..
الي عندها تفسير تحكيلي