يابنات ادعوا لامي بالشفاء من هذا المرض

السلام عليكم

من فترة لا حظنا على الوالدة النسيان ماكنا نهتم كنا نقول عادي كلنا ننسى لكن في الفترة الاخير بدت تنسى اذا صلت ولالا واذا صلت ماتدري كم ركعة وبعدين لمن تاخذ غفوة تقوم وتلخبط بين الصبح والليل وصارت تعيد السؤال ا و السالفة مية مرة وصارت تجيها نوبات عصبية غير طبيعية اشبه بالجنون وتنسى المناسبات المهمة انا بعيدة عنها مو بنفس المنطقة رغم اني اقرب بناتها لها البارحة اختي تكلمني وتقولي امي حالتها في تدهور بس مو راضية تروح الطبيب لازم تنزلين عشان انت الوحيدة اللي راح توافق على كلامك وانا يابنات من يوم سمعت هالكلام وانا ابكي لاني سبحان الله البارحة بالصدفة اطالع برنامج يتكلم عن حالة امي وفو جئت ان اعراضه تشبه اعراض مرض الزهايمر ولمن تكلمت مع دكتور طلب بسرعة علاجها لانه هذه اعراضه رغم ان امي لسة مبكبيرة عمرها 56 وهالحالة لها سنة معها والله حالتي النفسية زفت الحمدلله على كل حال المصيبة يقول الدكتور انه اذا زاد المرض راح تنسي كل اللي حولها حتى نفسها وممكن انها تفقد عقلها والله يابنات اكتب لكم وانا دموعي ماوقفت على امي
الله يخليكم ادعو لها مو عشان شي عشان صلاتها اللي هي مرة تحبها مابيها تخسرها المسكينة وصومها اللي صارت تلخبط فيه ادعوا لها قد ماتقدرون اللهم يارب تشفي امي وماتورينا فيهامكروه وتكملها بعقلها وتسخره لها في طاعتك ياكريم يارب