يابنات اذا جتك ضيفه ودخلت مطبخك .....

السلام عليكم .....
كيفكم يابنات الصراحه انا حصلي موقف محرررررررررررررررج من جد ما كان ودي اكون بالموقف بس وش اسوي انا سيرت على وحده ومن البدايه قايله لها قهوة بس المهم الله يجزاها خير حطت القهوه وبعدين اختفت راحت تسوي عشاء وانا جلست لوحدي استنيت استنيت وارسلت بنتها قالت الحين بتجي المهم جت وقلت وش عندك المهم كانت تسوي عشاء وتروح وتبطي بس اسولف مع بنتها عمره 5 سنين وقلت روحي لامك ناديها وجت واقولها عندك شغل تبغيني اساعدك قال لا كل شي خالص وتروح واختفت المهم عااااد انا قمت ورحت لمها وجلست اساعدها وغسلت المواعين وشكلها ماتبغاني ادخل بس وش اسوي جلست لوحدي المهم قالت امي لو تدري اني مدخله احد مطبخي كان هاوشتني وطنشتها وجلست اسولف معها وحطينا العشاء وتعشينا بعدين مادخلت وجت وجلست معي .......
المهم جت عندها عزومه ثانيه طبعا كانت عازمه حرمتين ولا تحركت من مكاني بس جالسه معهم وسوالف ولما جاء العشاء برضه ماتحركت وحده تادبت ههههههههههه بس وحده من الحريم نشبت في حلقها قالت خليني اشيل معك مواعين العشاء قالت لا خليهن انا بشيلهن قالت لا انا بشيلهن المهم لما رحت راعية البيت وتلحقه الحرمه وشايله معها قالت وراك جبتيهن قالت مطبخي حوصه قالت احول وش مواعييين المهم بالمختصر انا عن نفسي مااحب اللي تدخل معي واعرف انها راعية كلام والا لقافه مثل جتني وحده من يوم حطيت القهوة ورحت ابجيب الشاهي الا وهي وراي وشوي الا تدخل بالدولاب وفيه ناس ماشاء الله عليهم تدخل وتنظف وتسولف ولا تسمعي منها حاجه الناس اجناس ....

في النهاية ....

هل اللي سويته غلط وهل انتي تايدين اللي تدخل والا ودك انها تنثبر في مكانه ولا تنفس