بنات اكتب لكم اليوم قصة صارت لي من 10 سنين تقريبا وأسالكم بالله تجاوبني بكل صدق واذا صار لكم هذا الموقف ولا كان الموقف لأحد فيكم كيف تتصرفوا وايش وجهة نظركم
الموضوع يابنات قبل 10 سنين تقريبا اتفقنا احنا مجموعة بنات على اننا نفتح مشروع خيري في بيت وحده اتبرعت ان يكون المشروع في بيتها وقررنا نجيب العامل يضبط مكان مناسب ببيتها طبعا بمشورتها ورضاها ولا مااحد يغصبها على انها تسوي شي ببيتها وصار اننا جبنا العامل عشان يضبط المكان وطبعا بالتقسيط على اسا س من الربح اللي راح ناخذه من المشروع راح يرجع للعامل . بدأ العامل في المشروع لكن اكتشفنا في بداية شغله انه نصاب وشغله اي كلام وما يخاف ربه طردناه وحاولنا نجيب غيره باللاقساط ويكون امين مالقينا في وقتها واضطرينا اننا نلغي المشروع
لكن بقي مشكله ان صديقتنا صاحبة البيت زعلت على حوشها لأنه تركه العمل الله ينتقم منه بوضع مره غير لائق وراح يكلفها تصليحه حتى ترجعه مثل اول الصراحة يابنات اننا في هاذيك الفترة كنا كلنا مفلسين يعني بإختصار ما عندنا عشرة ريال نملكها أنا والبنات اصلاَ حتى المشروع كنا بنسويه بالأقساط فكيف نقدر نساعدها في تصليح بيتها فماكان لنا الا اننا رحنا واستسمحناها وسامحتنا والله الشاهد انها سامحتنا وكان بناتها موجودين معاها وباين على وجههم الزعل وباين انهم مستحيل يسامحونا لكن احنا كان يهمنا في ذاك الوقت هي لوحدها لأنه بيتها وهي اللي تبرعت فيه وهي كانت معانا من بداية المشوارمو بناتها وعارفه كل شي وكانت معانا خطوة بخطوة ويعلم الله اننا كلنا نيتنا طيبة وما قصدنا أذيتها باي شي .لكن قدر الله وماشاء فعل
لكن كان المهم عندنا انها سامحتنا لانه الواحد ما يدري متى يومه ومانبغى نحمل في ذمتنا شي ومرت عشرة سنين واحنا شبه منقطعين يمكن انا مع اختها دائما نتواصل اقدر اقولكم بشكل اسبوعي عن طريق الجوال ومن عشره سنين عمرها ماقلتلي على اختها انها شايله في نفسها وزعلانه من هذاك الموقف واكتشفت بالصدفة صار اننا تقابلنا قريب واشوفها هي وبناتها يطالعوني بنظرات استحقار وآسف وانا كل شي عندي يهون الا انه أي أحد يجي ويناظريني بنظرات استحقار واستغربت جدا من هذا الموضوع وصدقوني لو اقولكم كنت ناسيه الموضوع نهائي لأنه يابنات اتخيلوا قبل عشرة سنين او اكثر وطبعا رجعت البيت وبعدها بكم يوم دقيت على اختها اللي انا وياها على طول قلتلها عسى ما شر لاحظت اختي وبناتها نظراتهم لي غريبة قالتلي ما تدري ليش ؟؟ قلتلها ليش قالت عشان المشروع واللي صار في بيت اختي من خراب كل اخواتي وامي وبنات اختي زعلانين منك . هنا يابنات ما تتصورا قد ايش زعلت وقد ايش حزبخاطري كلامها قلتلها عشرة سنين ولا تقوليلي انهم زعلانين مني وبعدين احنا اتعذرنالها وهي سامحتنا كيف بالله بعد هاذي السنين باقي ماسكين في نفسهم .
قولتلها على العموم انا انسانة اخاف الله تعالى ولا ابغى اموت واحمل في ذمتي شي أعطيني رقم اختك اكلمها ان كانت مسامحتنا لوجه الله عفا الله عما سلف لكن اذا كانت مو مسامحتنا وتبغى عوض عن اللي صار في بيتها فتقدر اللي صارمن خراب ببيتها وانا ان شاء الله لو أستلف ارجعها لها أهم شي ما اموت في يوم من الأيام واحد يسالني ريال واحد ولا أبغى أحد يكون زعلان مني ولا يحمل في قلبه مني شي.
ولي اللحين اسبوع وانا انتظرها تعطيني رقمها كل يوم بكره وتتهرب وانا جالسه على اعصابي انتظرها ترسل رقمها المشكله اني بديره ثانية ولا كان رحت لاختها لبيتها . بصراحة يابنات وحده من البنات لمن عرفت زعلت كثير تقولي مالها شي دام انها سامحتنا والكلام من البداية كان معاها مو مع بناتها فاهم شي انها هي سامحتنا من عشرة سنين ليش اللحين ترجع وتقول انها مو مسامحتنا .
انتوا ايش رايكم ؟؟
هل احنا زمان لمن استسمحناها وسامحتنا نعتبر برينا ذمتنا
وكيف دحين نتصرف معاها .
وهل لها حق تطالبنا بشي بعد هاذي السنين كلها وهي من أول ماطلبت شي وسامحتنا
يا(ام)سر @yaamsr
عضوة
يلزم عليك تسجيل الدخول أولًا لكتابة تعليق.
يا(ام)سر
•
أميرال :
شوفي الصراحة أنا لو مكانها أزعل يعني جزاها الله خير قدمت لكم من بيتها وفي الأخير يتشوه وتتركونها مو حلوة أبداً يا إما دبرتوا مبلغ حتى لو مو بحجم الضرر لكن تعاونوها وما تتخلو عنها أو نفس إللي شارت عليكم بالرجال إللي خرب الشغل هي إللي تتحمل المسؤولية في نفس الوقت عشرة سنين كثيرة وهيا شايلة المشكلة مو بس هي .. حتى أهلها أجل على ايش تقول سامحتكم؟ الحل يا أختي أوصلي لها وأعطيها مبلغها وبرأي ذمتك لأنه شكلها سامحتك بلسانها بس الله يوفقكشوفي الصراحة أنا لو مكانها أزعل يعني جزاها الله خير قدمت لكم من بيتها وفي الأخير يتشوه...
أميرال
يعلم الله اننا بهاذيك الفترة كلنا كنا متأزمين غير اننا دفعنا مقدم للحرامي واخذنها سلف بعد واحنا تحملناها
يعني بلحظتها بيتها جا مفاجئة لنا وماتصورنا هذا الشي يصير بعدين هي سامحتنا وهذا كان المهم عندنا
يعلم الله اننا بهاذيك الفترة كلنا كنا متأزمين غير اننا دفعنا مقدم للحرامي واخذنها سلف بعد واحنا تحملناها
يعني بلحظتها بيتها جا مفاجئة لنا وماتصورنا هذا الشي يصير بعدين هي سامحتنا وهذا كان المهم عندنا
يا(ام)سر
•
لا يمكنك مشاهدة هذا التعليق لانتهاكه شروط الاستخدام.
اشكرك على ردك وصراحتك بس اللحين سامحتنا من قبل عشرة سنين ونسينا موضوعها وهي على فكره كانت معانا في المشروع ولها نصيبها بعد بس بعد اللي صار تلخبط كل شي
يا(ام)سر
•
يابنات حتى اختها اللي انا وياها مثل العسل لمن قلتلها اعطيني رقم اختك اتفاهم معاها بدأت تشد اعصابي وتتهرب مني وكل شوية تطلعلي بحجة ونهايتها صارت ما ترد علي
الصفحة الأخيرة
يعني جزاها الله خير قدمت لكم من بيتها
وفي الأخير يتشوه وتتركونها مو حلوة أبداً
يا إما دبرتوا مبلغ حتى لو مو بحجم الضرر
لكن تعاونوها وما تتخلو عنها
أو نفس إللي شارت عليكم بالرجال إللي خرب الشغل هي إللي تتحمل المسؤولية
في نفس الوقت عشرة سنين كثيرة وهيا شايلة
المشكلة مو بس هي .. حتى أهلها
أجل على ايش تقول سامحتكم؟
الحل يا أختي أوصلي لها وأعطيها مبلغها وبرأي ذمتك
لأنه شكلها سامحتك بلسانها بس
الله يوفقك