يابنات ارجوكم ساعدوني

:16: انا عندي مشكله عويصه وارجو من جميع الاخوات المساعده زوجي الله يهديه كان معاي احلى من العسل وفجاءه تغير علي بعد سبع سنوات من السعاده وقام يسهر بره لنص الليل ومع من مايقول بعد ماكان مايحب يطلع الامعي ولاحظت تصرفات واجد عليه وكان جواله يدق بنص الليل ويطلع حتى لوكان نايم ويقول الشباب داقين عليه ويوم دق جواله الساعه ثلاث الفجر وقام ناداني وانا سويت روحي نايمه ونزل من جنبي ونزلت وراه شوي شوي وتدرون شصار تهدمت سعادتي سمعته يكلم وحده ويقول ان بيروح لها اللحين انا انهرت وجلست مكاني اصيح وهو خلص المكالمه وبعدين شافني وتغير وجهه ولما قلت له اني سمعت انكر وبعدين انا قلت اني ما راح اعيش معه واعترف وقال انها نزوه وان يحبني وما يستغنى عني المهم من يومها وانا صرت شكاكه في كل تصرفاته لكن استحملت علشان عيالي واني مابي اخرب بيتي وصار زين فتره بس الحين رجع على بعض الحركات الي تبط الكبد زي اذا طلع وسالته وين قال انا مو بزر وجواله على طول صامت في البيت وتجي مكالمات مجهوله ولمل يطلع وادق عليه اشوف جواله مشغول بالساعه او اكثر ولما اواجهه دائما يقول مع ربعه وانا اقوله تحملت منك غلطه ما راح اتحمل ثانيه وهو دايم يقول ان تفكيري غلط ساعدوني شسوي معه وصدقوني ماني مقصره معاه في شيء وهو دوم يقولي كذا وصار لي اربع سنوات بعد الي صار وانا كل يوم احترق وصابره احد عنده حل لمشكلتي ارجوكم