يابنات افيدوني احد مر عليه هالحالة..مدري وش فيه ابويه

السلام عليكم ورحمة الله وبركاته
خواتي بنات عالم حواء افيدوني ووجهوني للحل المناسب 
انا في هم لايعلمه الا الله 
يابنات ابوي تغير علينا كثير جننا بالعربي بتقولون عيب هذا ابوك هو على عيني وراسي لكن يابنات قاعد يسوي حرب نفسية خلاص والله ماعاد اتمنى الا الموت من كثر الاالمشاكل 
كل شي عنده لا حتى مكة لنا سنين نطلبه نبي نروح رافض مع اننا الحمد لله  مقتدرين ماديا وكل شي متوفر ماشاءالله وش عذره بالله
زواج ويرفض كل من يتقدم حتى بدون سؤال يقول ماله داعي 
تهزيئ بسبب وبدون سبب تجريح وكأن اللي قدامه مو بشر يحسون واذا زعلنا قال ليش 
يقول ماتعطوني فلوس وان عطيناه رماها 
امي جننها ويكسحها قدامنا عادي عنده وهي ساكته  ماراعى كبر سنها وتعبها وصبرها عليه
حتى الاكل اذا طبخوا خواتي يطلع فيه سبب وليش كذا وكذا
لدرجه الحين صار اكلنا مسلوق عشان مايعوره الأكل ببطنه
انا محدثتكم مقاطعني قرب يكمل سنه والسبب قلته لكم في موضوع من قبل والآن مقاطع اخوي مايكلمه واخوي مااخطا عليه بشهادة امي واختي
والله ما أنسى كم مره كسحني وكسر بخاطري والله مره رحت مع اخوي السوق وتذكرته وجبت له هديه عطر والله يابنات اول ماعطيناه رماه على الأرض حتى قبل يفتحه هذا غير الكلمات الوسخه اللي يقولها لي ولخواتي والله ماتنقال يسبنا فيها وهو يعرف اننا بريئين من الكلام وجعلنا يارب نموت مستورين
تحملوني يابنات 
والله خلاص تعبت تعبت وضع بيتنا ماينطاااااق نهائيا حتى صرت اشك اني اصبت بأمراض نفسيه وخواتي مثل والله كلنا الشيب بروسنا اختي بأول جامعة والله لو تشوفون شعرها ماتصدقون شيب مو طبيعي
اااااه يارب تفرجها وربي خلاص تعبت
قولوا لي وش الحل وش اسوي
 
انا الحمد لله مواظبه على قراءة سورة البقرة والاستغفار