يابنات اقرأو موضوعي !!!!!!!!!!!!!!!

اليوم راح احكي لكم قصة جدولي اليومي وأتمنى انة يعجبكم
اتمنى الكل يستفيد من مؤضوعي ويسوى مثله ولو لزم الامر تعدل فيه
طبعا هذا الجدول لست البيت المتعلمة والى عندها شهادة وحاطتها تحت المخدة مثل مايقولون بعض البنات المحطمات او بالأصح الي ماعندهم طموح
نبدابالجدول عشان ماتملون وبعدين نكمل حديثنا
أولا/ اصح من النوم قبل اذان الفجر او بعد الاذان المهم قبل مايروح وقت صلاة الفجر طبعا اصلي الفجر وبعد الصلاة اقول اذكاري او اقرى قرآن صفحة وصفحتين على حسب الاستطاعة (لايُكلٌف الله نفساً إلا وسعهاً)
ثانيا/امشي مدة ساعة او ساعة ونصف او نصف ساعة حسب الاستطاعة وبعد ماأنتهي من المشي اقوم ببعض الترتيبات للمنزل اذا كان يحتاج الى ترتيب وبعدين اخذ دش بارد بس مو مثلج هاههههههههههههه
ثالثا/اسوي الفطور وبعد الفطور وغسيل المواعين اجلس على الانترنت وأكيد على منتدى عالم حوى اذا عندي مؤضوع اكتبة عشان الكل يستفيد منة وإذا ماعندي مؤضوع اجلس اقرى مشاركات الاخوات وارد عليها ولكن مااستنفذ كل رصيد المشاركات عشان يمكن ألاقي مؤضوع يعجبني فيما بعد وأشارك فيه ،وبعد كذا اتجول في عالم الانترنت والأخبار وغيره.
رابعا /يمكن انام قبل الظهر نصف ساعة اوساعة على حسب الوقت الي عندي المهم اصحى قبل اذان الظهر عشان مؤضوع الغداء وبعدين اصلي الظهر واسوي الغداء واتغدا انا وعائلتي وأنام شوي الى قبل صلاة العصر اصلي العصر وجهز نفسي وأداوم الدار الى بحارتنا (دار لتحفيظ القران ) وبعد مايخلص دوام الدار قبل اذان الغرب بساعة الا ربع ارجع البيت واجلس مع عائلتي نشرب الشاي والقهوة الى اكون مجهزتها من قبل مااروح الدار .
خامسا/اصلي المغرب وأقوم بتجهيز وجبة العشاء اذا اطباق العشاء متنوعة اخذ وقت طويل في التجهيز وأما اذا كانت اطباق العشاء قليلة مايذن العشاء إلا وأنا خلصت العشاء (طبعا انا اخذ كورس لغة انجليزية عن بعد يبدأ من الساعة الثامنة الى الساعة العاشرة "طبعا انا مااقول هذا الكلام عشان اتفاخر بنفس لا انااقول هذا الكلام عشان الي ماتقدر تخرج من بيتها لوظيفة او غيرها تقدر تستفيد من هذى الدورات الي عن بعد مؤ شرط لغة انجليزية تدرس حاسب الي او أي شي ثاني تستفيد منة لان الرجال وبكل صراحة مايحبون المرة الي تفكيرها محدود وما عندها خبرات ولا لغات ولا تصديقين الرجال وكلامهم الي يحطمون به المرة وبطموحاتها وفي الاخير هذا الشيء لنفسك وأنت ادرى بمصلحة نفسك بس نصيحة مني لا تكوني بلا هدف)
سادسا/ بعد مااخلص من الكورس اصلي العشاء لأنة مايمديني اصلى في وقته عشان مؤضوع الكورس وبعدين اجهز العشاء لي ولزوجي طبعا انا ماعندي اولاد في المدرسة ولوكان عندي اولاد اكيد راح اعشيهم من بدري عشان ينامون بدري المهم بعد مااخلص العشاء اجلس على الانترنت شوي اقرى المشاركات الى على المنتدى وبعدين اقفل الجهاز وأتجهز للنوم
طبعا اكيد كل وحدة منكم راح يكون لها جدولها الخاص فيها بس هذا مايمنع ان كل وحدة تستفيد من جدول غيرها وتأخذ منة الي يناسبها ويناسب زوجها وعائلتها
المهم ان الوحدة فينا ماتضيع يومها بدون ماتستفيد منة لأنها مسؤلة عنة يوم القيامة
تقدرون تغيرون بعض الاشياء في جدولكم اليومي ايام الخميس والجمعة لان رح تكون فيه زيارات وغير ذالك
صدقوني ما فيه احد اكثر مني كسول لكني حاولت ومازلت احاول اني استفيد من يومي ومااضيعة
انتظر اراكم وردودكم على موضوعي وتقيمكم لمؤضوعي هو احد اسباب استمراري على هذا الجدول
ودمتم
:icon10: