يابنات اقروا مشكلتي واحكموا من الغلطانه انا او اختي

السلام عليكم ورحمة وبركاته
يابنات ابيكم تقرون مشكلتي مع اختي واحكموا كيف اتصرف معها 
دايم تعاملني بقسوة ولاتحترمني وانا اكبر منها 
لها فترة اذا تكلمت تطنشني ولاتعطيني وجه ونظراتها لي باحتقار والله ماسويت لها شي حتى انها كانت تسولف مع امي قالت خاطري اغير جوالي مع ان جوالها جديد قلت لها انا اشتري لك مع اني محتاجه جوال جديد بس احتسبتها عند الله وفرحتها فيه 
قالت بعطيك جوالي القديم قلت طيب ويوم اشتريت لها الجديد اعطت اخوي جوالها سكت ماابي مشاكل وانا والله ابي الاجر عند رب العالمين 
المهم عندنا زواج لخالي وخالتي و عيالها جايين من منطقه بعيده وأول مرة يدخلون بيتنا وبنسافر حنا وخالتي للمنطقه اللي فيها زواج خالي 
والله فرحانه عشان خالتي بتجي وحلوة اللمة والوناسة 
قبل شوي قامت تتأفف لان خالتي بتجي قلت مافيها شي لو جو هي يومين وبنسافر سوا قالت انتي اسكتي انتي ماتتعبين ولاتشتغلين في البيت بحكم اني معاقه وكم مرة قالتها وأنا اسكت قلت لها انتي مثل ابوي ماتحبين الضيوف وفعلا ابوي يتأفف من الناس ولايحب احد يجينا وحنا اجتماعيين نحب الناس 
قالت انتي منافقه انا سكتت ماابي اكبر المشاكل بس والله الغصة بحلقي والدموع انحبست بعيوني كل شوي تكرر انتي ماتشتغلين انتي ماتتعبين  سكتت وطنشتها 
وش رايكم وكيف اتعامل معها