أهلين أختي نونو يعني الموضوع عن الجلابيات ثم تحول إلى الأماكن السياحية عموماً
الدمام: الأسواق : ابن خلدون بلازا - الواحة - سوق الحب.
المطاعم : البندر - الأمم - دارين - القرية الشعبية ( مطعم ومتحف)
الملاهي : هابي لاند - توي تاون - حديقة المللك فهد.
الخبر: الأسواق: الراشد - فؤاد سنتر - الجمعة سنتر - شارع السويكت .
المطاعم : التنور الصيني - الدور التاسع بس غالي - السنبوك برضو غالي .
الملاهي :منتزه محمد بن فهد على الهاف مون -
أيضاً كورنيش الخبر والدمام هذا مايحضرني الآن وأي استفسار أنا بالخدمة.
الصفحة الأخيرة
الاخت نونو انا انصحج بمعرض الخريف, ملابسه والاشياء الموجوده فيه عموما حلوة وايد وايد والاسعار مناسبه جدا جدا ان شاء الله بس تكون على مستوى السنه اللي طافت
عموما معرض الخريف يضم جلابيات وملابس من كل الانواع ومن معظم الوطن العربي يعني تلاقين محلات تركييه ومصريه وكويتييه وبحريينيه وسوريه واردنييه ولبنانييه وباكستانيه و بلاديين وايد وبعد هم اكوو اهناك اثاث حلوو لانه المعرض هذي يكون وايد كبير
اما عن موقع المعرض فهو يكون بالظبط يم مجمع البحرين المقابل لمجمع السيف وبكون الافتتاح حسب ما سمعت يوم الخميس الموافق تاريخ 22يناير 2004
اما عن سؤالج ( وش تنصحيني ازور في البحرين .) ما فهمت قصدج منتزهات او موضوعنا السابق الا اهو الجلابيات
المهم اذا قصدج منتزهات انا صراحه ماااعرف منتزهات وايد لاني مااطلع وايد :44: بس اسمع فيهم مثل جزر حوار و جزر الدر واذا عندج يها ل تقدرين تودينهم عالم فتون الموجود بمجمع البحرين واكو العاب بمجمع السيف وكذلك اكو العاب توهم فاتحيينها حق الكبار يم مجمع البحرين بالظبط وعندج كورنيش الملك فيصل والنادي البحري ولا انسى الحدائق القديمه بالبحرين عذاري والمائيه ماادري اذا اهم للحين عايشين او لا وبالنسبه للمعالم التراثيه والحضاريه عندج بيت القران ومتحف البحرين الوطني ومحميه العرين وقلعة البرتغال وقلعة عراد ومسجد الخميس هذولي اللي حاضريني حاليا
بس اذا قصدج الاسواق فانا من الزبائن الدائمة بالاسواق جميعا تقريبا ويمكن اقدر افيدج اهوو اكو مجمعات غالية جدا واسعارها خيالييه وحرامييه وايد مثل مجمع السيف والعالي واكو مجمعات حلوة واسعارها يعني ما بيين البين يعني زينه مو غالية ولا رخيصه مثل مجمع اللؤلؤة ومجمع مارينا مول تبيين دشاديش حق البيت تحصليين بسوق المنامه وبسوق المحرق واكو شغلات حلوة بعد بالاسواق وعندج بعد سوق الرفاع واكو مجمعات بشارع سند انا صراحه ما تعجبني غالية على الطل مثل مجمع العلوي عندج بعد اكو محلات كشخه بشارع بوكواره بالرفاع خصوصا للجلابيات وفساتيين السهرات اسعارها خيالييه مثل محلات السعفه هذولي المحلات اللي حاضريني الحين
بالنسبه للمطاعم تدرين اكو مطاعم حلال واكو حرام فانا عندي اهم شيئ هالسالفه مو اهم شيئ المذاق نفسه فانا انصحج بمطعم مرمريز اكله زين وسعره مناسب ومطعم كري لاند والمطعميين يم السيف ومطعم الابراج باجي المطاعم انا ماااحط بذمتي مادري صراحه عنها .
ادري كثرت الهذره بس يالله ان شاء الله افدتج واذا عندج سؤال او استفسار عن اي شيئ ترى انا حاضره
شاطره بالثرثره انا :27:
تحياتي