اخواتي طفش طفش دائما نردد هالكلمة ما السبب انه بعدنا عن الله اخواتي مافي احلى من الجبيل هذا اولا ثانيا اذا احسستم بالطفش امسكوا القران وناجوا الله في خلوة ما احلاها من ساعة واسألوة بفضلة ان يبعد الهم والحزن واكثروا الاستغفار وبدل خط الدمام الجبيل اللي يستغرق تقريبا ساعة الا ثلث استغلوة بقراءة القرآن والاستغفار فالحياة لحظة لاتفوتوها بالاسواق والتماشي سيأتي يوم نندم على كل لحظة في حياتنا ذهبت وجزاكم الله الف خير

والله أنك رهييييبه,, ياقمر الي راكبه همر ,,
وما شاء الله عليك قدرتي تكونين لك شله ..
والله أنا لي خمس سنوات ولا قدرت أكون لي ربع شله ..
بالله عليك علمني كيف تعرفتي على جيرانك ..
وكيف قدرتي تكونين لك شلة مهابيل ..
لأن أنا ودي بناس أجتماعيين مو رسمين..



الله يهديك ليه ما عزمتيني على الجمعه الي عندك أنا والبنات كان والله تونسنا ..
يالله عاد المره الجايه لا أوصيك تعزمينا .. بس أنتي أرسلي لنا الهمر مانبي الوانيت الله يفشلك ما عاد أحد يركب وانيت في هالزمن ,,,

الى ما قلتي لي عند عيال ..
لأن ما شاء الله من شكلك ماخلفتي بعدك مزيونه ورشيقه ..
الله يهنيك ..

زهرة بيتي.....انتي واللله الرهيبة ولايهمك المرة الجاية حياك عندي تعالي انتي وعيالك اذا عندك خليهم ينبسطون مع بناتي انا عندي بنتين.. اما الشلة فكلهم زي حالتي ساكنين الجبيل عشان عمل ازواجهم ولا لهم اهل يعني مالنا الابعض وبامكانك تراسليني على الخاص اذا عندك اي استفسار

حبيبتي انا بعد مثل وضعك اهلي بالاحساء وانا هنا طفش وزيك حفظت هالمجمع عن ظهر قلب ولا لي جيران بعد بس لقيت الحل سجلت بنادي الفناتير الرياضي دوام صبح والله انبسطت فيه اروح الساعه 8 وارجع 11 وفيه حضاانه للاطفاال يالله تعالي معي نتعرف هنااك على بعض

بناااااااااات انا بعد بالجبيل وطفشانه مرررررررره انا اجتماعيه واحب الضحك والمزح تصدقون احس اني صرت ثقيلة دم من سكنت الجبيل لان ما عندي شي في البيت نوم واكل
راعية الهمر وش رايك تركبينا الهمر بالكرنيش الدوره بعشره ريال خخخخخخخخخخخخخخخ