يابنات الحقوا البنت قبل لاتغرق

السلام عليكم ورحمة الله وبركاته
بنات عالمي الوردي بالمختصر بقولكم القصة وابغاكم تقولولي الحل لعل وعسى وحدة منكم حكيمة وتحل المصيبة اللي صارت عند جيراننا
حبيباتي بنت جيراننا عمرها 23 سنة وللاسف مطلعة جوال من ورا اهلها لانهم مانعينه عنها لانه كان عندها من قبل واستخدمته استخدم سيئ وخلاص بعدها ماعاد سمحولها به والكلام هذا قبل 7 سنوات
المهم يابنات جابتلها جوال ماادري من فين وماهم عارفين كم له معاها بس امكن اكثر من سنة وللاسف كانت تكلم شباب والمصيبة يابنات كانت الغبية ترسل صورها وصور خاصة جدا لها ان شاء الله فهمتوني وهم كمان كانوا يرسلولها صورهم وصور وسخة يارب استرنا
المهم البنت انفضحت عند اهلها واحد من اللي تكلمهم ارسل لاخوها انه اختك فلانة عندها جوال بالدس وترى تطلع معاي ومع غيري ولو كنت رجل ادب اختك ال.......!
واقسم بالله يابنات هذي الشهادة انا اتحملها ليوم الدين انا اعرف اهل البنت ناس معروف عنهم الادب والحياء والاخلاق يعني ناس ماشين جنب الحيط راس مالهم في الدنيا سمعتهم وشرفهم وعندها ام واب كباااااار في السن وربي قدوة للناس وعندها اخوات جدا محترمات اعرفهم شخصيا وهذي البنت طلعت غير اصلن ماكان باين عليها بس الله يسامحها بتنزل رووس اهلها الارض
بنات لاتجي وحدة تقول تستاهل ومدري ايش ترى الدنيا دوارة واحنا صرنا في زمن الفتن واي وحدة معرضة لهذا الشي في لحظة ضعف هي الله يصلحها زميلاتها الخربانات هم اللي جروها في هذا الطريق اتوقع
يابنات قصرررررره بضم القاف اخوها طاح على الجوال اللي عندها وشاف اللي فيه خلاص انهار وصار يبكي انا متواصلة مع اخواته وهم ماهم عارفين ايش يسوا خايفين اخوهم يتهور مع اختهم ويرتكب فيها جريمة هو دحين حبسها في غرفة بعد ماكسر راسها وبطلها دراسة بس هو خايف يتصرف باي تصرف وينشروا صورها وهذا اللي كاسر عينه ومربط يده لانه في يدهم دلايل عليها ونازلين كلام وسخ وتهديد على جوال اخوها على فكرة اخوها ماهو مرة كبير اكبر منها بس بشوية وماهو متزوج وابوهم وامهم ماهم موجودين عندهم هذي الفترة مسافرين وهم كمان خايفن يدروا ويصير فيهم شي لاسمح الله
اخواتها خايفين تروح تسوي في نفسها شي لانها ممكن تسويها لانها عارفة انها خربانة خربانة ماتفرق النهاية معاها!
على قولة اخواتها يقولوا مسكينة اندمرت من امس لليوم لا اكل ولا نوم بس تبكي وساكتة خايفة وتترقب احد يسوي فيها شي من اهلها كل مافتحوا الباب عليها فزت زي اللي يستنى الاعدام والله حالها يحزن الله يستر بس عليها
يابنات بسرعة الحقوني بالحل انا قلتلهم طيب بلغوا الهيئة عشان يكبسوا على الرجل فجاءة ويقدروا ياخذوا صورها من عنده بس يقولوا نخاف من الفضيحة ونخاف الهيئة تجازي اختهم ولا تنسجن ولا تتعاقب بنات صحيح هذا الكلام لاني انا اسمع قصص بنات يشتكوا للهيئة لمن يكون في شباب يهددوهم ويخرجوهم من المشكلة من غير فضايح يابنات قولوا صح كلامي ولا لأ ؟؟ضروري ردوا على هذا السؤال
اخاف يسوا علي قلتلهم عليه وينفضحوا يعني الهيئة تكبر الموضوع ويسحبوا البنت ويدروا امها وابوها ويروحوا فيها؟
المصيبة البنت خلاص كأنها انبكمت يحاولوا اخواتها يسحبوا منها كلام عشان يعرفوا من غريمهم مين اللي يهدد اكيد هي تعرفه وهي سااااااااااكتة تنضرب وتسكت خايفين اخوهم يفقد اعصابه ويقتلها هم اخواتها اللي واقفين لها عشان لايتهور اخوها فيها
الحقوني يابنات بحل عشان اقولهم انا قلتلهم بكتب مشكلتكم في منتداي واكيد بنات حواء ماراح يقصروا معايا وبنلاقي حل ان شاء الله اليوم
يابنات هذا كله حصل امس
واليوم هم جالسين تحت رحمة ربي وخايفين الكلاب بس يرسلوا صورة او كلام لاخوهم وينعمي ويروح يقتلها
والله اخواتها انعموا من البكي وكلهم حالهم خلاص منتهي خايفين من الفضيحة
قولولي كيف يقدر اخوها يجيب الصور من الرجل او الرجال من غير مشاكل ومذابحة لانه اكيد لو اخوها عرف احد منهم ماراح يتحمل وامكن يقتله ويضيع مستقبل الولد هو اكبر ولد عندهم في العيلة واخواته بس يهدوا فيه ومحوطين عليه خايفين لايسوي حركة يرجع يندم عليها طول العمر
يابنات اليوم لازم تلقولي حل عشان اقولهم لانه اكيد الحيوانات ماراح يجيبوها على بر خلاص يعرفوا رقم اخوها وعندهم اثباتات عليها
اسعفوني برأي سديد بحيث لاينفضحوا ولا يسكتوا عن الموضوع