يابنات الحقوني ابي حل ولا بنجلط

السلام عليكم

بدخل بالموضوع على طول

انا متزوجه وعندي بنوته عمرها سنه ونص وساكنه بجنب اهل زوجي وحامل بالثاني المهم

بنتي من يوم كان عمرها 7 شهور وام زوجي تشربها شوية حمضيات وكنت اقولها خاله حرام مايصلح

ترد علي وتقولي بتحرمينها...طبعا احنا بعايلتنا اطفالنا ابدن ماياكلون من البقالات الا بال3شهور مره يعني

محافظين على صحتهم وماتعودت على اسلوب اهل زوجي هم عادي عندهم

المهم واستمرت بنتي وهي كذا يودونها للبقاله تاخذ حلاو مصاص الازرق الالوان وخرابيط مامنها فايده

طبعا انا كنت دايم اقولهم بكل ادب ياناس لا مايصلح لكن لاحيات لمن تنادي

حتى زوجي لما يكلمهم مافيه فايده ,,,

يوم صحيت من النوم الا بنتي المسكينه فيها ريحه بجسمها ووديتها الدكتور قال هذي من سوء التغذيه

رحت وقلتلهم ياناس السالفه كيت وكيت قالوا الله يسامحك يعني حنا ريحتنا خايسه يعني زي اللي مالك امل

المهم يوم جا مره وتجيني بنتي بعد صلاة الفجر من عندهم بفش فاش ورجعتلهم وجتني مره ثانيه بواحد

ثاني واليوم اللي وراه عصير غوار انا مدري شتسمونه لكنه العصير الملون وبنفس الوقت واخرشي جتني ببسي

انا هنا انفجرت وامسك جوالي واكتبلهم رساله ...يوم جلست شوي الا واخته تتصل تهزأ بكلام قليل ادب لكن انا احترام

لزوجي مارديت عليها انتظرتها لين تخلص وسكرته بوجهها... ومسكت بنتي ماراحت لهم ...وتخيلو يوم جا زوجي من

عند امه قال امي تبكي تقول ليش ماتبونها تجينا...يعني لايرحمون ولا يخلون رحمة الله تنزل ويزعلون وتقوم الدنيا

ماقعدت وزعل زوجي معهم

قال تعتذرينلهم قلت امر ...واتصل على امه وانا ديها واستسمح منها ورضت وبذيك الايام كان نظامي متلخبط

انام يعني المغرب واصحى 3 يعني مافي مجال اطلع من البيت ...وقال زوجي روحيلهم ابوي يسال عنك

يوم جيت اروحلهم الينهم طالعين وانا اليوم اللي بعده بروح لاهلي يوم جا هاليوم قال مافيه روحه لين تروحين لاهلي

قلت لا اهلك ماكانو فيه وشتبيني اسوي المهم زنيت على راسه لين رحت

والله يابنات ان نفستي تعبت لاخر درجه عاد انا حامل وزوجي مره يصير عادي ينسى الموضوع وفجاه اشوفه زعلان

طبعا لاجا من عندهم ....يعني كبرو السالفه لدرجه موطبيعه مع اني والله العظيم يابنات لاغلطو علي ماكاني اسمع شي

واتجاهله علشان بيتي وزوجي...وهذي اول غلطه لي وكبروها لدرجة انها تلفظة على اهلي ...قلت ماراح اعديها

هذي اخرتها امشيلهم وهم مايستاهلون


طولت عليكم....

وش اسوي مع زوجي اللي من يوم جيت لاهلي مايرد علي زعلان مع اني ماقصرت؟؟؟؟

وش اسوي لبنتي علشان تقعد فالبيت بمزاجها ماتطلع منه؟؟؟؟

وش اسوي لاخت زوجي اللي اكثر ماعديتلها ومن اول غلطه حتى اهلي ماسلمو؟؟؟

وش اسوي لاهل زوجي علشان ماعاد يوكلون بنتي من هالبقالات ؟؟؟

تكفووووووووووووووووووووووووون ابي حل