هلا حبيبتي
ألف ألف مبروك على الحمل
وإن شاء الله ربي يسهل لج حملج... وييسر لج ولادتج
ويرزقج الذرية الصالحة

ريحانة الروح حبيبتي
أنا نفسج بالضبط، كنت أتلوع من كل شي... حتى من ريلي فديته
وكنت أرجع باليوم 3-4 مرات... هذا وأنا ما آكل
حتى الماي أشربه بالعافية... يعني والله يمر علي يومين وأنا ما حاطة شي في حلجي
وبعدني أرجع!!!!!!!!!!!!!

تميت على هذي الحالة 3 شهور
وما كنت أطيق غير فراشي
لا أطبخ ولا أكنس ولا أغسل... وما أداني ريحة شي
كنت ما أطلع من غرفتي موووول
وريلي كان بعيد... طبيعة شغله
حتى عمتي كانت تدخلي علي الغرفة بين اللحظة والثانية
تخاف علي لأني ما مآكلة حاجة

بعد الثلاث الشهور الأولى... الوضع تحسن
يعني صرت أقدر آكل... بس لازم أرجع
وصرت لما يغيب ريلي... أصيييييييييح وأبغي أشوفه
بس لما يجي... أبغي يجلس بعيد عني.... المهم أشوف وجهه

بس هو مسكين كان متفهم الوضع فديته
وكان هو اللي يكنس ويغسل ويطبخ <<<< الله لا يحرمني منه ومن طيبته

وبس...
لكن حتى على الشهور الأخيرة، رجعت لي اللوعان، بس مو مثل أول
يعني على الخفيف
والحمد لله بنوتي 10 شهور أحينة

عقبال ما تولدين وتنسين كل التعب لما تشوفين عيون مولودج

هذا كله من الوحام اختي الوحام لاعب فيكي لعب الله يعينك

أسألي الله الأجر والمثوبه فتره وتعدي
المهم ابتعدي عن السكريات لأنها تزيد الغثيان واعتمدي البسكويت المالح والشابوره
واصبري واحتسبي

الله يقومك بالسلامه ويرزق الطفل السليم المعافى

الله يتمم لك حملك ع خير وتذكري كل هذا أجر وثواب لك عند الله لا بد الصبر عليه

وما بزيد ع كلام الاخوات غير شئ واحد انك تطلبي من الدكتوره اللي تراجعي عندها

تكتبلك حبوب خااااصه للغثيااان رااح تريحك كثير وتخفف عنك

وربي يسعدك ويكتبلك كل خير

يوه يوه..نفسي بالضبط...
بسألك ما كرهتي ريحة ملابسك!!!

انا مثلك لما كنت حامل بولدي...نزل وزني 13 كيلو


ابشرك...هالحالة تستمر لحد الرابع ...او كل الخامس مثلي :)

ما ودي...احبطك...ما غير اقول ربي يعينك

نصيحتي...

لا تكلفين على نفسك..و تدخلين المطبخ..خلي ابو الشباب يخدمك...اذا ما وقف هالفترة جنبك متى يوقف لك



اقول...روحي نامي ابرك لك و الله احسن حل.. و قربي جنبك..موية..وليمون خخخخ تذكرت نفسي ..وربي يعينك...


وربي يقومك بالسلامة