يابنات الحقو جارتي زوجها صارحها مس انه حيتزوج عليها مسيار

السلام عليكم ورحمة الله وبركاته
ايش اخباركم بنات حواء ؟؟؟؟ عساكم طيبين
للاسف اليوم جاتني جارتي تبكي وتقول ان زوجها صارحها باانه راح يتزوج عليها مسيار !
وهما لسه لهم سنتين متزوجين وعندهم بنت
يعني هي صغيره حلوه ودلوعه
قالتلي انه قالها انا احبك ومارح اتزوج عشان انتي فيكي عيب
انا راح اتزوج لاني حاسس اني ابغا انوع وخايف اروح للحرام وللعلم بعض من اصحابه يدورون عالمسيار
انا بصراحه ماعرفت ايش اقولها غير انها تدعي ربنا يهديه
بنات الحرمه جاتني الصباح عيونها مورمه من البكا
مرررررررره قطعت قلبي
قولولي ايش اقولها ايش انصحها
عشان زوجها يشيل الفكره من راسه؟؟
لاتحرموها من دعائكم ونصائحكم الله يخليكم بصراحه خايفه عليها يحصلها شي تقولي خلال يوم نزلت 2 كيلو:44: