يابنات الحقو على ... لا عادت من شغاله !!!ّ

السلام عليكم ...

اكتب لكم يابنات والله ان اصابعي تنملت من الخوف ...
ابقولكم سالفتي من الاول .. الله رزقني بشغاله فلبينيه قبل سنه .. والله اني احسبها الا الان ملاك نازلي من السماء .. وارحم من اشتكى من الشغالات ( لا وشر البليه مايضحك اعطيهم نصايحي انا وجهي ) .. المهم فتشتها اول ماجتنا .. اخذنا حذرنا منها .. ماتطبخ ولا تدخل غرفنا الا واحد معها .. ارقبها كيف تعامل عيالى الصغار .. النتيجه بعد 8 شهور .. ماعمرها سرقه او سوت اى شئ غريب ... تاكل عادي ( مومن الشغلات الى ماتاكل اللحم تقدسه ).. ماعندها حركات للرجال .. تصلي وتصوم .. لطيفه جدا مع عيالي ولا عمرها ضربتهم .. قنوعه ولا تطالب بائ شئ ..
خوافه نمبر ون .. ولا هوشتها عند خطأ ماتعصب ولا تزعل ..
كل هذا وكي .. واناس حاسديني عليها يقولون لا تعلمين احد انها زينه ..
حتى هذه اللحظه تفاجات مفأجئه .. كان احد رش على مويه او صحيت من حلم جميل
ياطويلات العمر .. وانا امشي بالبيت لقيت شئ طايح في الارض .. اول الامر احسب من اللعاب اعيالي وابغى ارميه بالزباله تكرمون .. ولا اشوف قطعه قماش مربوطه مشبك ومخيوطه من الجوانب .. خفت انها سحر فعطيتها الشغاله وقلت لها هذاوشو.. يافلانه .. افتحيه هالحين قدامي .. ( لو تشوفون وجهها وشلون صفر وحمر ) .. ارتبكت وقالت مدام هذا حقي ( وانا اقول بقلبي ياعلك للحكه الى تأكلك).. المهم لقيت ورقه من كرتونه مكتوب عليها بسم الله الرحمن الرحيم ثلاث مرات ومشخمطه عليها خطوط .. ومطويه وملفوفه بتغليفه ثم قماش ومخيطه .. وصايره مثل الحجاب ( في المسلسلات المصريه والسوريه ).. قلتها ليش سويت كذا ( طبعا ولعت العين حقت الفرن وقريت المعوذات واحرقتها قدامها ).. قالت انا مافيه نوم كويس في القصيم ( رحنا فتره شهر ونمنا ببيت اهلنا وكان فيه شغاله بنجلاديشيه ) .. وبقولها انه سوته هناك .. وان ابوها ناصحها هانصيحه
(عاد شوفو الخرافات اقولها نمتي عاد زين تقول ايه )
عاد انا نصحتها بكلمات بسيطه انه حرام وخرافات وان هذا مافيه مسلم ..
وحذرتها ان بابا لو عرف راح يسفرها وقلت خلاص مادام ماسويها مره ثانيه وخافت مره وفشلت
وش سويت عاد انا ... فتشت ملابسه وحتى شنطتها ولقيت اغراض لي انا معطيتهن ايها رجعت اخذتهن وقلت لها اني ابحفظهن عندي لين تروح
قفلت الغرفه الى في السطح لان كراكيبنا وقشنا فيها وتركها تنشر ملابسها برى الغرفه ( يعني بس تستخدم الحمام والنوم اساسا عندي تحت )
بس ولو مارتحت قبل ايام مرسله رساله لاهلها واخاف ماخذه شعر لي او صوره للعيالي (وهالحين تلقونهم يشتغلون عليها بالفلبين هههههههه)
وشرايكم تكفون .. والى عندهم شغاله فلبينيه تسألها يسووون هاشئ ولا لا ..
تكفوووووووووووووووون يابنات ساعدوني الله يخليكم