الله يعينك .. وإن استمريتي على هالطريقة راح تتعبي معاها في المتوسطة .. والمراهقة مرحلة
حرجة للطفل العادي فكيف راح تكون مع بنتك المُدلّلة ..
أنتِ السبب في تصرفات بنتك .. للأسف طريقتك خطأ بالتدليل.. ولما تبدأي بِـ تصحيح الخطأ ..
تصححيه بِـ خطأ أكبر ( الضرب ) ....
- لابد من الوسطية والاعتدال في تربية الابناء .. ولكل وسط طرفان سيئان .. فـ هناك طرفة التدليل
والطرف الآخر التذليل .. وكل منهما يفسد الابناء .. إن استخدمتِ التدليل وكنتِ مثل المصباح
السحري اللي يجعل كل أحلامهم حقيقة وطلباتهم مُجابة .. كانوا أكثر ميلاً للكسل والخمول والاتكالية
والاعتماد على والديهم وإزالة سماتهم الشخصية وتفقدهم روح التحدّي والرغبة في الامتلاك وعطّلتي
لديهم التفكير والأنانية ..
وإن استخدمت التذليل والتعنيف والضرب .. تحيي فيهم سمات الشخصية العنيفة والناقمة والساخطة
على كل ما حولها وتبث فيها روح العدوانية ويكونوا إما جبروت وعِناد وإما ضعف وخنوع
واستسلام ..
وإن استمريتي على هذه الطريق .. أبصم بالعشرة راح تندمين بعدين ..
الوقت لازال في صالحك .. وبإمكانك إصلاح ما فسد .. فتدراكي نفسك .. بنتك لازالت صغيرة
وجاهلة وأنتِ الكبيرة العاقلة .. فارسمي لها طريق حياتها ووضحي لها الحدود التي لا تتجاوزها
وأرشديها للأخطاء ..
وقبل كل شيء أبدأي بإصلاح نفسك .. فيه مثل يقول .. لا يستقيم الظّل والعود أعوج .. حاشاك
أختي عن الإعوجاج .. ولكنه للتشبيه ..
في البداية .. اخلصي النية لله في تربية ابناءك ..
اسألي الله بقلب خاشع بأن يهديك إلى الطريق السليم لتربية ابناءك .. وأن يمدّك بالرشد ويدلك على
الخير وأن يمنّ على ابناءك بالتوفيق والفلاح في الدنيا والآخرة..
عليكِ بالصبر في التوجيه والتربية فالأبناء يستحقوا أن يُتعب من أجلهم وتربيتهم وهم أمانة عندك ..
اشعري ابناءك بالحب والاحتواء والثقة .. ولكن الحب ليس بالهبات والمكافآت وكأنك صرّاف آلي ..
الحب إحساس وشعور .. يصل للقلب بدون عبارات بل بالتصرفات ..
تأكدي ما فيه أحد راح يتحمّل بنتك إلاّ أنتِ وبتتعبين في الأخير ..
بنتك سبب مللها من المدرسة عدم الحزم معها وتوفير رغباتها وكثرة ألعابها وكثرة مُسلياتها..
سبب صراخ بنتك الدلال الزايد .. وما لك أي شخصية أو هيبة قدامها ولا حسبت لك أي حساب ..
طريقتك تــضــر بنتك .. ما تنفعها .. غيريها ..
كثرة الألعاب ما لها داعي ولا عاد صار لها قيمة عندها
نظمي وقتها .. أنتِ الأم والمسؤولة وراعية عليها ..
اللعب له وقت .. الدراسة لها وقت .. المذاكرة لها وقت .. الآيباد له وقت .. لابد من النظام والجدّية
إذا بتكلميها .. عوّديها تناظر مباشرة لعيونك .. وكوني حازمة في طلبك
الحرمان من أي شيء تحبه وعدم التراجع في قرارك
النوم المُبكّر ضروري جدا .. الساعة 9 وهي بفراشها .. ونوم النهار مرفوض .. النهار للمذاكرة ..
لا عاد تشترين ألعاب اشغلتي بنتك عن المدرسة .. الألعاب لو بريال مرة كل شهر فقط
لا بد بنتك تحترمك وتحترم كلمتك وإذا قلتي كلمة لازم تمشي .. وإذا صارخت .. ناظريها وثيتي نظرك عليها .. وحددي العقاب المناسب من الحرمان .. وإذا سمعت كلامك ابتسمي بوجهها واستخدمي العبارات الرقيقة والمدح حتى تحس بالفرق ..
لا يكونوا دائما عند التلفزيون أو مع الأجهزة .. كوني معاهم واجلسي وسولفوا واسمعي اهتماماتهم ومواقفهم وتذكري لهم بعض مواقفك ..يعني تقربي منهم حتى تكسبي حبهم وودهم واحترامهم .. وتحدّثي أقل واستمعي أكثر واصغي باهتمام ..
امنعيهم من أكل الأندومي والحلويات والسكريات .. تعطي طاقة كبيرة
اسمعيهم كلمات الاحترام .. لو سمحت .. الله يعطيك العافية .. الله لا يحرمني منك ..
يجب أن تكوني حازمة معهم بقوة شخصيتك .. وليس بقوة يدك أو سطوة لسانك
.....
أسأل الله أن يوفقك لكل خير وصلاح لأبنائك وأن يمدك بالصبر والثبات وإخلاص العمل لله ..
وفقكِ الله يا أختي لِمَا يُحِبُّ ويرضى ..

متعودة تاخذ مبتغاها وبدمعتها وبصراخها
لانها عارفة نقطة ضعفك
جربي تطنشيها يومين ثلاثة
وبتشوف إن طريقتها ماجابت نتيجة وبتبطل هالاسلوب

نصيحتي اوفي بوعدك واشتري لها بس قبل قوليلها تعالي ابيك في موضوع وفهميها انك بتوفين بوعدك لها وبتشترين لها اللي تبيه لانه المسلم اذا وعد يوفي بوعده وصارحيها بهدوء انه اللي تسويه يضايقك ويزعلك وانك تحبينها وماتحبين تسوي كذا وانه لازم تساعدك وشوفي ايش تسوي تتجاوب معاك اولا اختي في الزمن هذا ماينفع التهاون واللين الزايد ولا العصبيه والضرب صادقيها انا عندي ولد في نفس عمرها واتعامل معاه كصديق واسولف معاه واصارحه اذا ضايقني في شي والا زعلني اقله انت زعلتني لما سويت كذا وافصل بينه وبين الفعل يعني مثلا قال كلام وسخ مااقول له ياوسخ لا اقول هاذا الكلام وسخ وانا مااحبه ولا ابغاك تقوله وهكذا صدقيني اتفاجات انه يتجاوب معايه اكثر من لما اعصب واصارخ عليه واكتشفت انهم بالعمر هذا يفهمون كل شي كمان وقت لما يعاندني اعاقبه ولا اتراجع عن كلامي ابدا محرم من ذا الشي يعني محروم ولا عاد اناقشه في الموضوع يقعد يصيح ويعصب اتجاهله لين مع الوقت عرف اني جاده ويخاف يكرر نفس الفعل بس حتى في العقاب ماا عاقبه عقاب اكبر من الفعل كل فعل له عقاب حسب وكل عمر له عقاب هاذي النقطه تعلمتها من سوبر ناني لنه لو كان العقاب اكبر من الفعل النتيجه بتكون عكسيه وبيزيد العناد انتي بنتك تحتاج وقت عشان تستوعب انه فعلا في شي تغير لانها ماراح تتوقع انك بتتغيرين فجاه صادقيها بس بحدود وقت الجد انتي امها ولازم تحترمك وتسمع كلامك بس ماتكثرين عليها طلبات ابدي معاها حبه حبه وصدقيني بتشوفين اللي يرضيك ان شاء الله انتي اصبري بنتك تحتاج وقت لانه ماتعاملت معاها من الاول كذا في البدايه بتستغل نقطه ضعفكم وهي الصراخ وبتحاول مره وثنتين وثلاث انتي اصبري وتجاهليها تماما لين تعرف انه انتي جاده ومعد ينفعها هذا الاسلوب وراح تتغير شوي شوي بس تحتاج وقت ومثل ماقالت بعض الاخوات تابعي سوبر ناني انا كنت اتابعه واستفدت منه وخبرينا بالنتايج والله يخليها لك ويحفظها ويصلحها يارب

المفروض تعاقبينها ولما تصرخ وتبكي تجاهليها
وسوي نفسك مو مهتمه له خليها تصيح لن تسكت وبعدين 8سنين مو صغيره الله يصلحه

النوعيه ذي دواااها عندي
بنتك بتتعبين معهااااا حتى تروضينها هالشي لازم تفهمينه زين
و إذا بتطبيقين كلامي لازم تكوني جديه و حازمه و لاااااا تتراجعين
بنتك فسدها الدلع و أخذت الصياح و الصراخ عااااااده لتنفيذ طلباتها
شافت من تعتمد هالأسلوب تدارونها و تلبون طلبها و تطالعون خاطرها !!
جربي التأديب بدون ضرب أولا كلميها البنت تفهم بهالعمر
قولي أن صارختي و صيحتي بتشوفين شي ما يرضيك و حمررررري العين عليهااااا
أذا ما سمعت لك و بدت بالموال أمسكيها و حطي بفمها شوي فلفل أو بهار أنا كذا
سويت مع ولدي بعمرها جاب لي الجناااااان الله يصلحه و سدحته و حطيت له فلفل
قام يناااااقززززز من القهر عقبها هجددددد صرت أهدده فيه !
غير كذا جربي الحرمان أقهريها بالحرمان هدديها أنك بتطلعين و تاخذين أختها
و بتحبسينها بالبيت << طبعا هي ماراح تهتم لتهديدك لإنها ما جربته !
جربيه و خوذي أختها و أطلعي و خليهاااااا طال عمرك تطرطع صياح و صراخ
وخليها تحس بمرارة تصرفك و لا رجعتي لا تعطينها وجه كووووني حازمه
و وضحي لها أنك حبستيها بسبب تصرفها .... و كرري هالعمليه كذا مره
لين تتأكد أنك جااااااااده معها .. وهذي من الطرق ألي أستخدمتها مع ولدي
و خلته يمشي مثل الألف ...
الطريقه الثانيه و بعد أنا طبقتها بعد هالحرمان و إذا هجدت شوي قولي لها الأن تستاهلين
بكرا بطلعك و إذا طلعتو و أنتم بالسياره أو أي مكان و ضمنت الطلعه و رجعت لحركاتها
طوووووالي ررررررجعيهااااا البيت بدون تردد نهاااائي و بتشوفين كيف تعمل لكم قيمه !
مره كذا طلعت و أخذت ولدي ألي حرمته و من مشينا بالسياره بدا يستلعن
ما درى إلا وحنا راجعين للبيت يا هو أنغثثثث و أنصعق ما توقع أني أسويها !!
ومره طلعت للسوق وبالسياره هاااااااجد ومن دخلنا السوق قام يتهيبل و ينجن
طوااااالي سحبته للبيت بغى يختل !!!!!!
و الله ما رباااااه غير الله ثم جديتي بالعقاااااااب و عدم تهاااااوني
بطلت الدلع الماصخ و تلبية الطلبات و المداراه ألي مالها داعي
و صار ألحين يحسب حساب لسلوكه من يبدا يخرررربط أحمر عيني و أذكره بالعقاب
يقوم يتبسم و يبولع ريقه هههههههههههههههه لأنه ذاق مرارة العقاب و تأكد أني
قد كلامي :biggthump
لازززززززم تكوني جاده معها هذا أهم شي بكل الطرق ألي ذكرتها
ولازم تقوين قلبك و تبعدين العاطفه إذا تبينها تمشي مثل الألف
أيه ونسيت أقولك موقف ثاني و حتى وحنا مسافرين قام و لدي و جننا
لأنه مسوي فيها ذكي و أنه ما يمكن نحرمه و غثنا و هبل فينا
مسكه أبوه و أخذ شنطته و هو عيونه طااااايره مايدري و ش نخطط له :ohmy:
قاله يالله ودع أهلك بروح بك للمطار بسفرك للديره لحالك و هناك
يستقبلك خالك و يوديك لبيتنا من الصدمه ألي ماتوقعها صاح بشكل
هستيري و يترجانا نسامحه و ضبطنا التمثيليه جيت أنا وقلت أنتبه
لنفسك بالبيت و كلها كم يوم و بنجيك ههههههههههههه:pinklove:
بغى ينهبل و يترجى و يتوسل عقبها قلت أبسامحك و أن كررتها
مايردنا غير المطار و هجدددددددد عقبها
هالمرحله متعبه حبيبتي و لازم تعالجينها بجديه بعيد عن العاطفه
الله يعينا عليهم و يصلحهم