بنات انا مااحب اشوفها تصيح مو دلع لاوالله انها فاقعه مرارتي بس صياحها يخوق تقوم تشاهق احسها بتموت… وتشكي قلبها دايم اخاف اسوي لها مشكله او يصير بها شي من القهر واتحسف وجربت كل شي قلتوه تهون يوم وثاني يوم ترجع لطبعها لو احرمها تقول عادي ماهمني سبحان الله اختها اصغر منها والله ملاك طاهرعمرها خمس سنوات خدومه وتغسل رضاعات اختها الصغير وتجيب كل شي اطلبه وقبل اطلبه وبس تجي تحبني وتدلكني وتعرض خدماتها وفكرت قلت يمكن انا السبب افرق بالمعامله لان بنتي العوبه من عوابتها مااعاملها زين ورحت قمت امدحها وارفع بها بس شوي تغير وبعدين ترجع ويرجع موال الصياح والهواش معها والمعاند ..انا مااعاملها مثل اختها الصغيره لاني مقدر وهي السبب ابد ماتعطي فرصه الواحد يحبها بس تلج وتصيح لابغت شي وانا صرت ماادخل غرفتها الا للتنظيف ولا احب اجلس معها بسبة كثرة طلباتها وتامرها اذا مو العاب تبدا سوي اكل وسوي مدري ايش وافتحي الايباد واكتبي لي لما تطلع روحي… وتجيني وانا اغسل مواعين تقول طلعي بنات يرقصن بالايبود اقول قاعده اغسل اصبري لما اخلص تقعد تناقز وتلج اقول روحي شوي وماتروح الامطلعه روحي بصراحه غثيثه جدا… والله ماني مدلعتها وكل شي جربته حتي اهلي مستغربين طبعها

حبيبتي اللهً يصلح بنتك ويهديها
بس من ردودك حسيت أنها تعرف نقاط ضعفك
يعني لما تقولي لها انك بتحرميها تقول ما همني وانت يمكن تعتقدين أنها ما يهمها وبالتالي ما تحرميها لا حبيبتي كوني حااااااااااازمة واحرميها وكل ما الحت زيدي في الحرمان واذا بكت وصرخت طنشيها حتى لو مرارتك انفقعت خليها تصيح وسوي نفسك ما يهمك صياحها ما تشوفينها الا تعبت وملت وبتحاول تدور أسلوب جديد لتحقيق رغباتها وانت قولي كلمة وما أعيدها تبغين شيء اتادبي وقولي لو سمحتي وبهدوء وانا ومزاجي أعطيك أو لا وبيني لها انك قوية حتى لا تستقوى عليك بتمثيلياتها وبكاءها وخقاتها
الله يعينك ويصلح عيالك
بنظري التربية علم يجب ان يدرس لكن ما اقول الا الله يهدي أولادنا ويعينا على تربيتهم

يا اختي اذا ماقدرتي تقومين سلوكها وتضبطينها من الآن انسي انسي انسي انها تضبط بعدين
من تصير بالمتوسط خلااااااص اغسلي يدك منها ، بيصير لها طبايعها وافكارها واتحداك لو تقدرين تأثرين عليها
هي الحين مثل العجينة في يدك ، بس عجينة قاسية :)

وش الافضل تصبرين سنة او شهور عشان تشوفين نتيجة كويسة ، ولا انها تقعد العمر كله تنافخ عليك وتقل ادبها معك؟
ترا بعد 10 سنين نفس هالبنت بتلقينها حاطه رجل على رجل في جمعة حريم وتتأمر عليك وحطي لي وسوي لي
وان قلتي لها شي نفخت بوجهك وشرشحتك قدام كل اللي تعرفينهم !

انتي مافيك صبر ابد وكثير امهات مافيهم صبر ولا فيهم امل يضبطون تربية عيالهم
خلاص تشوف طبايع عيالها وتعاملهم بنفس طبايعهم ولا تفكر تحسن من شخصياتهم وتكسبهم
وانتي من هالنوع ، والدليل معاملتك مع بنتك الصغيرة ، تعاملينها كذا لأن طبعها لين فالموضوع سهل عليك
بس اللي طبعها قاسي ماتبين تكلمينها ولا تبين تجلسين معها ولا تبين تقومين سلوكها ، اجل وش تبين تسوين فيها؟؟؟؟
بكرا بتكبر وبتشوفك تعاملين خواتها كويس ، ماراح تقول انها هي السبب ، بتقول انك انتي السبب انك ماضبطتي سلوكها من قبل وانك تميزين عيالك على اساس شخصياتهم

الكره الآن في ملعبك ، بعد كذا انسي !!
ماتقدرين تمشين على اسلوب واحد معها لفترة طويلة ، وتقولين من ثاني يوم ترجع زي ماهي!!
اكييييييييييييييييد بترجع زي ماهي ، لأنك ماحطيتي في بالك تجلسين شهور او سنين تعاملينها بنفس الاسلوب ، تبين النتيجة بيوم وليلة !!!!
الحل قلته لك ولا عندي غيره ، تطنشينها وتسفهينها لما تقل ادبها ولا كأنك تسمعينها وبس !!! مو حل صعب !!!!
انا وانا بنت مو متزوجة كنت اعامل اختي الصغيرة كذا ادلعها واسوي لها كل شي بس بحدووووووووووووووود
واول ماترفع صوتها او تتواقح يكون ردي التطنيش ولا كأني اشوفها
صح تعبتني وصح صارت تتسدح بالاماكن العامة واتفشل وتصييييح بس طنشت وطنشت وطنشت ولا كأنها قدامي
بكت مرتين وثلاث وعشر ، وبالأخير خلاص ايقنت ان هالاسلوب ماعاد ينفع ، صارت تطلب بأدب ولو قلت لها لا تقول طيب عادي تجيبينه لي بعدين؟
تأدبت جداً في الطلب

التربية مو بالصعوبة اللي ترسمينها ، هذاك حملتي وولدتي 3 مرات او اكثر
جلستي 9 شهور حامل وتشققتي بالولادة وتعبتي بالنفاس ، وتعبتي مع نومهم وهم صغار وتعبتي في رضاعتهم وتنظيفهم
تعبك من بداية الحمل الى ماينفطمون ويتعلمون على الحمام اقل شي سنتين
اتعبي مع بنتك نفس هالمدة !!

والله لو مكانك بس تررررررررررفع صوتها ماتشوف الا كف ايدي طاير بوجهها
خير بنت بهالعمر ترفع صوتها على امها وتمشي كلامه قلة ادب صدق اجل لاكبرت وش بتسوي بتلبس عباته ولا تفكر فيك اصلن
من ترفع صوتها عطيهاا كف من قلب علشان لمن تجي تصارخ مره ثانيه تتذكر حرارته
وخذي عيالك الباقي وتجمعو على التلفزيون وضحك وسوالف ولعب واذا تبي تلعب معكم قولي تحترمين نفسك وصوتك مايرتفع

خليك شديده عيال هالزمن مايمشي معهم الا كذا وربي بنتي عمرها 11 شهر اذا ماعطيتها الي تبيه تصرخ اخليها لحد ماتطق واحيانا والله اني اضربها ضربات خفيفه مناسبه لسنه وبعدهااا تسكت

ياختي تبين تعالجين المشكلة لازم تقوين قلبك شوي
يعني البنت مدلعة بزيادة ودلعها مأثر على دراستها
خليك صارمة وشيلي الايباد وقفلي التلفزيون تبي تصارخ وتكسر خليها ماتعودت على هالاسلوب وتختبرك
خليها بغرفتها تصارخ لما تقول بس
وشوي شوي تعرف ان ان بصراخها ماراح يجيب نتيجة ولا شفتيها هادية كلميها وفهميها حلات البنت بهدوئها
والبنت اللي تصارخ محد يحبها
كمان ابوها مو لازم ينزلهم بالاسبوعين مرة تكفي طبعا اذا عقلت وانتبهت على دروسها