السلام عليكم
انا حاسه فيك لاني حامل وانا مجربه راح ادلك
انا قبل سنتين كانت اول ولاده لي وولدت في المصانع في آخر يوم من رمضان
المهم رحت قسم الطواريء ودخلوني الولاده على طول وفيه نصيحه من اخت تحب الخير للجميع لاتروحين اول ماتحسين بالمغص انا صبرت من الصباح لين الليل وكان المغص متدرج ومن العصر زاد بس صبرت لين صار الطلق متتابع مايفصل رحت مستوسف خاص وكشفت قالت ولاده بسرعه للمستشفى ثمن رحت للمصانع ودخلت للولاده وكان الرحم فاتح 9 سم المهم انا جلست ساعتين لين ولدت بس والله للامانه ماادري هو حظي او هم كذا غرفة الولاده مره نظيفه وشخصيه مامعك حرمه اخرى وتراهم مايرفعون الرجلين ويكسرون ظهرك زي خالد يخلونك على راحتك المهم اني ولدت بسلام والخياطه زينه بس كبيره شوي يقولوا البكريه لازم كذا لان المهبل ضيق المهم ولدتني القابله الفلبينيه ومعها مساعدات وخيطت لي دكتوره مصريه وبآخر النفاس رحت لمستوصف خاص وكشفت قالت لي الدكتوره خياطتك حلوه وتراهم خيطوامن داخل ومن برا وانا اقول لاتوسوسين توكلي على الله وقسما بالله الولاده زي غمضة العين وكل الالم يتنسي بسرعه وانتبهي لو اقنعك احد بإبرة الظهر ارفضي لانها خطيره طبعا هي مسكنه بس اوعك تاخذيها الا اذا حدت الظروف وتأكدي ان الم الولاده يغسلك من الذنوب وترجعين كيوم ولدتك امك يعني اصبري وخليك جامده راح تجيك لحظات ضعف عند المغص بس اقري سورة الزلزله وردديها ويارب تقومي بالسلامه واذا ولدتي راسليني على الخاص وقولي لي وش صار معك الله يقويك ويرزقك من حيث لاتحتسبين . آآآآآآآآآمين .

الله يهون عليك .

الله يسعد ويرزق كل من ردة علي

ويالنوري انوري

وربي ادمعتي عيني بكلامك

وريحتيني وراح اخذ بنصيحتك

واتوكل ع الله ‏

وماراح اخذ ابرة الضهر

مشكووووووووووووووووره ياقلبي

رفع

للافاااااااده

ما راح ازيد عن اللي قالوا لك البنات الا لا تفكرين في مستشفى خالد اذا على النظافه زفت صفر من عشرة بالنسبه للخياطه بصراحه كانت روعه ( هذي الحسنه الوحيدة لهم) كانت الدكتورة باكستانية . روحي للمصانع وتوكلي على الله ز