أختي أنتي ماخذة فكرة غلط عنا منو قالك إ ن الحرمه ماتقدر تطلع بروحها بالعكس الحريم

ماشاء الله عليهم لابسين عباياتهم وهات مشاوير عند الجيران وغيرها أو إذا فيه سوبر ماركت

قريبه تقدرين تروحين بروحك

وبعدين أغلب الأحياء عندهم دور تحفيظ القرآن تقدرين تسجلين فيها منها تستفيدين من وقتك بحفظ القرآن ومنها تتعرفين على صديقات

يمكن الوضع بيكون صعب عليك في البداية لأنك راح تفقدين أهلك بس بعدين راح تتعودين
وتنبسطين بعد :2thmup:

اهلين حبيبتي كنتوته

انا من بنات الدمام

ياهلا والله ومرحبا فيك بين اهلك وناسك

حبيبتي ادمام مثل اي بلد خليجي واي مدينه فيه

الحمدلله كل الاسواق متواجده فيه عندك
ابن خلدون بلازا وعندك الواحه وعندك مارينا مول
واذا تبين سوق شعبي عندك سوق الحب في شارع الملك فهد
وعندك المجمع النسائي هذا للنساء فقط

واما المستشفيات فنفس مستشفيات الدول الثانيه

وفيه عندك الكورنيش مره جنان
واممممممممممممم
وشو بعد انتي اسئلي وانا بأجيبك اذا احتجتي شئ

اما بالنسبه لقولك ان الحريم مايطلعون فلا حبيبتي
اللي وصلك الفكره غلطان

الحمدلله اذا تعرفتي لك على جيرانك وانشاء الله يكونون كويسين تقدرين تاخذين احد بناتهم او اي احد تتعرفين عليه من الحريم وتروحين معاه بالتكاااسي
وتقدرين كمان تروحين لوحدك بس حراام لوحدك الافضل انك تروحين مع مجموعه
لكن ان كنتي محتاجه مايخالف
اي مكاااان يقدر يوصلك له التكسي
والشئ الثاني احمدي ربك انتي جيتي للديره كلها امن وامان وربي تجلسين ببيتك وبدون ماتسكرين الباب مرتاااحه

وبعدين اذا كنتي اجتماااعيه راح يحبونك الكل
وخصوصا الجيران

عندك الوالده ماشاء الله عليها تونا ناقلين للبيت الجديد

من ثاني يوم وكل الحاره عندنا وكل يوم بعد يوم مسااااااير سواء في الصبح او العصر
يعني ان كنتي تحبين الناس بيحبونك

على العموم خيتوا الله يوفقك واذا كنتيس محتاجه شئ امريني ياعيوني

اختك

هلا وغلا بتنور الدمام بطلتك..

اي سؤال في بالك اسألي واجاوبك,,
ولاتخافين تراها حياه طبيعيه و آمنه وتروحين وتجين عادي ومحد له حكم عليك غير زوجك..
واذا احتجتي اي شي ارفعي سماعه للسوبر ماركت وهو يوصل لين بابك ,, :)
ان شاء الله ماعليك خلاف وبتنبسطين بإذن الله,,

اهلا أختي أن من الشرقيه وحياتنا مثل دول الخليج... :)ze

حياك الله أختي عندنا بالمملكة

وأن شاء الله راح تنبسطين وأنا متأكدة بكذا ..

هنا لك حريتك التامة لاتخافين متى ماحبيتي تطلعين اطلعي بس أنتبهي لاتروحين بروحك مع الليموزين لانه لايجوز ذلك وان كانت النساء هنا أحيانا يذهبون لوحدهم معه ..

بأمكانك الاستعانة بالتموينات التي توصل الطلبات للمنزل والمطاعم كذلك ..
بامكانك التسوق وزوجك من السوبر ماركات الكبيرة مثل بنده .زالمخازن الكبرى ..

هنا الامن والامان من قال لك ذلك فهم المغرضين الحاقدين علىا لسعودية
صدقيني ستشعرين بارتياح هنا وبتعرفك على الجيران تحسين نفسك بين أهلك واخواتك ..