يابنات الرياض فزعتكم ..أريد اسواق تبيع ولادي +محلات اثاث

ملابس اطفال ( ماركات) عندك اسواقنا وش كثرها طبي وتخيري وافضل محلين للشيالات اوركسترا واوكايدي (من وجهة نظري )
محلات عاديه عندك الهرم والفيصل والسلطان
اغراض المطبخ انت ماحددتي ايش هي الاغراض بالضبط بس اذا مواعين عندك السباله وبن دايل واسواق عويس فيه محلات كثيره و الهزازي
وفيه السيف والعبد الواحد والعبد الوهاب والخنبشي وباخشوين بس (غالين )شوي
طاولات طعام فيه بقصر السريا اشياء حلوه واسعارها رخيصه وعندك ادفن والعطاء الله
او مالك الا اسواق ابن دايل
غرف نوم اطفال عندك رفال مره حلو وشمال الرياض مليان محلات غرف اطفال بشكل كبير
لكن نصيحه روحي بن دايل انا فصلت لولدي غرفه عندهم والله كل من جاني انهبل عليها حتى الي جاء يركب الستاره يقول احنا نفصل زي هالغرف باربع الاف وانا والله ما كلفتني الا الف وثمان وماشاء الله كلها نحت

والله هذا الي اعرفه واتمنى اكون افدتك وان شاء الله البنات مايقصرون

بنسبه للاثاث العويس فيه اشياء حلوه