يابنات الشرقيه اريد لو سمحتم محلات فيها مقاسات كبيره رخيصه وحلوه وبدعيلها من قلب

السلام عليكم ورحمة الله وبركاته

لو سمحتم ماتعرفون محلات يبيعون فيها مقاسات كبيره بالنسبه للتنوره 52 الى 54
والبلوزه 52 وفي ايفانز تكون من 22 الى 24
احس اني مليت وتعبت ودي اغير في لبسي ودي القاء شيء حلو ورخيص ومناسب لي بما اني سمينه
الخياطه احس انها صعبه لانه مافيه شيء راكز في راسي
واذا لقيت القاء في ايفانز ولا جيري ويبر لكن غالي جيري ويبر 300 وفوق البلوزه وش دعو
و ايفانز ماعندهم الوان هذي السنه واغلبها الوان مو مناسبه للعيد لا وسعر البلوزه 225
فما فوق غاليه علي
اتصدقون يابنات انه ما معي غير 300 ريال ماتكفي لكن ودي ببلوزه وتنوره وحده للاول يوم فقط
وفي الماركات مثل ايفانز جيرير ويبر واان هارفي نار ما اقدر اشتري
لان زوجي ماعطاني غير هذي الفلوس السنه هذي مقصري معي هذي السنه ولا ادري مالعمل وحاولت معه لكن رفض انه يعطيني 500 ريال مع انها ماتكفي لاني على حسب علمي صايره الاسعار نار بالذات على السمينات مثل ايفانز الخ

يابنات العيد قرب وانا ماشريت شيء
ياليتكم تساعدوني وترحموني وتعطفون علي اشوي لاني محتاسه 300 ريال الاسعار نار
و وما ادري مالعمل
بنتظر ردودك لعل وعسى انشالله تعطفون وتردون علي وانشالله اليوم
وبدعيلها من قلبي لانها بتكون باذن الله انقذتني من موقف لااحسد عليه واتعرفون الوحده بالعيد ودها تلبس شيء حلو وشيك لان العيد احس ان العيد الواحد لاوم كل شيء يكون جديد
حتى اني تنازلت عن الجزمه الله يكرمكم والشنطه لان عندي شناط واقول اصلا مو مهم عندي والعبايه تنازلت عنها والاكسسوارات مع اني كل سنه لازم يكون كل شيء جديد حتى ملابسي الداخليه لازم تكون جديده الا هذي السنه ماعطاني الا 300 وابي اشتري فيها بلوزه وتنوره وخلص

اعذروني اذا كثرت من الكلام لكن من الحره الي فيني ماني عارفه كيف اتصرف ولا ودي ا
اعمل مشكله مع زوجي بسبت هذا الموضوع
كلي رجاء بان تساعدوني وتنقذوني من التفكير في هذا الموضوع

الله يجزاكم خير ويخليلكم كل انسان غالي على قلبكم

http://forum.hawaaworld.com/images/smilies1/smile05.gif