هلاليه ذوق @hlalyh_thok_1

محررة ماسية

يابنات الفزعه عايلتنا بتتفرق والاسباب ..؟!!

بسم الله الرحمن الرحيم

السلام عليكم ورحمه الله وبركاته

ترى الموضوع طويل واختصرت فيه قد مااقدر ياليت تقرونه الله يفرج هم اللي تقراه ..

انا عندي مشكله طبعا ماتخصني تخص العايله كلها ياليت تقرؤون الى الاخر وتدعون لنا ..

حنا يابنات 3 عوائل في الرياض وطبعا بتكلم عن علاقتنا

المهم حنا عايله تربينا مع بعض كل اسبوع جمعه في بيت واحد والاعياد الحمدالله تقضيها مع بعض واحزانا وافراحنا مع بعض

لكن بدينا نكبر وبدات المشاكل طبعا صارت اول مشكله كبيره وحنا صغار وبعضنا فاهم بس عموما كنا صغار والكبار كانوا توهم مخلصين الثانوني المشكله كانت ان وحده من بنات عماتي طلعت كلام على اختي انها تكلمت على بنات عمتي الثانين وعلى ابوهم وكلام كبير يشيب بالشعر المهم كانت اختي في ثاني او اولى متوسط تقريبا والبنت مخلصه الثانوي

المهم كنا صغار وعدى الموضوع ونسيناه وكأن ماصار شي وطبعا اهلينا كانوا حريصين ان ماتصير بينا مشاكل الا اهل البنت اللي طلعت الكلام على اختي كانوا راعين مشاكل من بدنا يحبون يطلعون الحساسيه بين البزران ويحبون يطلعون الفتن بينا ..

وبعدين كبرنا وصارت مشكله ثانيه كبيـــــره والسبب طبعا البزران واهم كبروا الموضوع ووسووا فضايح في الحاره وطلعوا من البيت وافقين بالشارع ينتظرون اللي بيجي ياخذهم للبيت طبعا هذا الكلام كان برمضان تخليوا ودعت عمتي على اهلينا واتهمتنا اننا ماتربينا وكلام كثير استحي اقوله

وقت ماصارت هذي المشكله طبعا انا كنت مع امي واختي الكبيره ووحده منهم كنا نصلي صلاه التراويح بالمسجد المهم اختهم جاتها الدوره وانتو بكرامه بالمسجد وقلت لها يلا نرجع بيتنا قالت لا لا شوفي امي بالمسجد اكيد صارت مصيبه والا ليش امي رجعت من عندهم المهم راحت البنت عند امها وانا جلست برى وبعدين رجعت وقالت اهلي رجعوا البيت خلاص بنروح بيتنا قلت لها اوك مافيه مشكله المهم وحنا في الطريق الى بيتهم كانت طول الوقت تقول الله يستر وش صار وانا منصدمه من كلامها المهم وصلنا بيتهم فتحت اختها الباب ودخلت تصارخ تبكي انا خفت اقولهم وش فيه وش صار ليش رجعتوا وانا اتكلم كلهم بيكون وحالتهم حاله

المهم قالوا لي وش صار وقالوا ان اختك كانت تبي تضرب امي بس حنا مسكناها مع العلم ان اختي كانت في الابتدائي وقالوا ان عمتي طردتهم من البيت انا هنا تلخبطت وماعرفت وش اسوي المهم اتصلت على ابوي وجا اخذني ودخلت السياره وقلت لابوي تصدق ان اختي كانت بتضرب عمتي بس بناتها مسكوها انا ادري اني تسرعت لاني كلمت ابوي بس انا كنت مصدوومه بقوووه

المهم دخلنا بيت عمتي الثانيه ولقينا وجيهم باكيه والبيت هادي المهم البنات سحبوني وقالوا لي السالفه كلها وانصدمت ان كل الكلام اللي قالوه بنات عمتي الزعلانه اغلبه كذب والا مزودين بشي ومنقصين شي وبتقولون كيف عرفتي انهم صادقين اول شي كان اخواتي عندهم وقالوا لي السالفه وبعدين كل مارحت عند وحده قالت نفس الكلام عكس بنات عمتي الزعلانين كانت كل وحده تكلمني عن شي وكانوا مايدرون وش السبب حق المشكله

المهم صاارت احداث كثير لو اقولها ماخلصت انا ابي اختصر قدر المستطاع << واضح

صار اللي صار وحنا عيال رمضان 1430هـ المهم بنات عمتي اللي كانوا زعلانين بدوا يبون مشكله جديده وخربوا علاقه العايله ككل بعد ماكنا مع بعض 24 ساعه صرنا مانشوف بعض بالاشهر وكل ماجينا نبي نسوي اجتماع نستانس قالوا مالها داعي الاجتماعات اول بالاجازه قالوا حنا نرتب بيتنا لاتجون وبرمضان قالوا الناس تتعبد وحنا نسوي جمعات ومره مريضين وكل يوم عذر فجينا حنا وبنات عمتي الثانين نجتمع لحالنا بس مو مثل اول

المشكله يابنات عايلتنا تدمرت من سبتهم ماعاد في الفه بينا ولاعاد نشوف بعض وحنا مانبي الشي تخيلوا يابنات كل وحده صارت تخاف تطلع اي كلمه حتى اهلينا ماعاد بيونا نجتمع تجنبا للمشاكل

وطبعا في اي مشكله السبب اهم تخيلوا اللحين يبون يخربون بيت وحده متزوجه من بنات عماتي والله ماعمري خفت من الدنيا قد اللحين وهالفتره تخيلوا يابنات لو اكلمكم عنها يبي لها موضوع بروح لدرجه وصلت انها تكلم زوج البنت وتخيلوا البنت متزوجه والمصيبه الاعظم ان زوجته تصير بنت خالتها والبنت وراها تمشي وماتدري وش مبتغاها وحمولتها نصحوها بس البنت معنده الله يهديها ..

المهم ابي حل ابي انا وبنات عمتي اللي اللحين حنا وياهم نرجع مثل اول مانتفرق وطبعا مانبي ندخلهم بينا انا خايفه اقول لبنات عمتي هالكلام يفهمونا غلط وبنفس الوقت ابي اخلي علاقتي رسميه ببنات عمتي راعين المشاكل

اللي ماعندها حل تدعيلنا لان بعض الناس يشوفون كلامي هين بس وربي اللي بينا كبير وبنات عمتي يحبون المشاكل وناويين يخلونه كلام رجال على قولتهم ومااقول غير الله يهديهم ويشغلهم بطاعته ...

واسفه مره ثانيه عـ الاطاله :26:

يلزم عليك تسجيل الدخول أولًا لكتابة تعليق.

تسجيل دخول

عطر السوسن • 15 سنة

الله ييسر اموركم ويجمعكم على الخير والرضى

laya et lili • 15 سنة

امرالمؤمن كله خير يا عزيزتي بما انه ابتدت بينكم المشاكل ابتعدي عن كل العائلتين واتركوا الجمعات عنكم تر ما يجي من ورا هذي الجمعات الا المشاكل والغيرة والحسد وبعدين ما راح تشوفين ان الامر هذا فيه خير لكم الا بعدين الزمن تغير وخلي علاقتك مع الناس رسميه افضل لكم والله ييسر اموركم ويجمعكم على مايحب ويرضى اتمنى انك تتقبلي وجهة نظري

عذبة الاوصاف • 15 سنة

الله يلم شملكم بس والله مافهمت شي مرة وضحي شوي..

هلاليه ذوق • 15 سنة

laya et lili :

امرالمؤمن كله خير يا عزيزتي بما انه ابتدت بينكم المشاكل ابتعدي عن كل العائلتين واتركوا الجمعات عنكم تر ما يجي من ورا هذي الجمعات الا المشاكل والغيرة والحسد وبعدين ما راح تشوفين ان الامر هذا فيه خير لكم الا بعدين الزمن تغير وخلي علاقتك مع الناس رسميه افضل لكم والله ييسر اموركم ويجمعكم على مايحب ويرضى اتمنى انك تتقبلي وجهة نظري

امرالمؤمن كله خير يا عزيزتي بما انه ابتدت بينكم المشاكل ابتعدي عن كل العائلتين واتركوا الجمعات...

عطر السوسن تسلمين عالرد جزاك الله خير ..

هلا ياقلبي ..

تسلمين على ردك وتوني افكر برايك واحسه الصح بس الحياه اذا كانت كذا بتكون طفش

حنا وعايله عمتي اللي مو راعين المشاكل الحمدالله طول حياتنا متفاهمين ولامره صارت بينا مشكله ماشاء الله

وماابي ناس مالهم هدف بالحياه الا تخريب البيوت يخربون بينا ..

بس بنفس الوقت احس كلامك صح ..

وربي احتـــــــــــرت ..؟؟!! :(

هلاليه ذوق • 15 سنة

عذبة الاوصاف :

الله يلم شملكم بس والله مافهمت شي مرة وضحي شوي..

الله يلم شملكم بس والله مافهمت شي مرة وضحي شوي..

ادري ان الموضوع طويل ياعمري ..

بس اقرئيه بهدوء وتركيز وبتفهمين ..

واي سوال انا حاااضره ..