انا ولدت قيصريتين وحدة بنج كامل والثانية نصفي بس انا ما عرفت شو هي الابرة الي عطوني اياها بظهري بس حسيت بشكتها وما شالو شي بعد العملية الابرة عطوني اياها بين الفقرات قالتلي احط راسي بين ركبتاي وعطتني الابرة بظهري الحمد لله ما عندي صداع ولا اي الم احيانا شوي وجع بظهري بس اكيد مافي شي يجي بالسهل

اكيييد كنت خايفة ومتوترة وبردانة موووووت لدرجة اني ما عدت اقدر اتحكم بحركات ايدي صرت احرك ايدي حركة غير ارادية قامت الدكتورة ربطتلي ايدي ع طرف التخت

بعد العملية اجتني رجفة احس ببرد مو طبيعي بقيت هيك كم ساعة و الحمد لله انا قدرت امشي بسرعة في ناس تقوم انو النحيفة تطيب اسرع من السمينة بالقيصرية انا نحيفة كثيييير انا الشي الوحيد الي المني بجد هو الغازات كان في كثييير ببطني وألمني مكان القيصرية من النفخة الي ببطني

انا عندي بنتين دعوتكم الي اخواتي انو ربنا يرزقني اخ لبناتي ويجعلو من الصالحين انا حاليا بالشهر الرابع