يابنات الكويت

حبيبتي حياج الله عندنا و تنور الكويت فيكم

بالنسبة للاكسسوارات وااااااااايد في:
طبعا اللي نفس الالماس عندج الفراولة بمجمع زهرة ما يفرق عن الالماس بس أسعاره غالية
الاكسسوارات تحصلين بعد عند حنان دشتي بحولي تحت صالونها
في بعد بجمعية الشعب فوق بالدور الاول كشك اكسسوارات وايد أحبه بس مو نفس الالماس
في مجمع المهلب عندج كشك عند المدخل عنده اكسسوارت رهيبة بس هم شكلها اكسسوار
يعني اذا حابه نفس الالماس ماكو غير الفراولة

بالنسبة للدراريع حدث ولا حرج بس ها شلون ميزانيتج؟؟ بقولج شنو موجود و حكمي
في راوية الغانم بالجابرية دراريعها حلوة من 100 دينار و فوق
في زينيا بالديرة حق بنت المرزوق دراريعها رهيبة و ممكن تخيطين بس غالية يعني مو أقل من 200
في أنسام الخلف عندها محل بالجابرية أنسام ستايل حلو و تلاقين عندها مرات بس مو دايم و اسعارها بعد غالية
في السعفة للدراريع لكبرى القصير بصراحة وايد يعجبوني غاليه بس حلو هم بالجابرية بعمارة طويلة و مكتوب عليها السعفة ما تضيع
في سينين مقابل فيللا فيروز دراريع لبنانية عجيبة بس غاليه
مشغل زوغة على دوار البدع وايد حلو و حصلت منه دراعة استقبال الحج مالي العام كانت رهيبة

هذا الغالي الحين الارخص :)
مجمع الاوقاف كله دراريع و تحصلين خصوصا عند محل اسمه تراثيات
مجمع النقرة الشمالي بالطابق اللي فوق كذا محل يمكن خمسة سته محلات دراريع و شوفي يمكن تحصلين
بيت ديفا و بيت كاريزما هذيله معارض و مو دايم تلاقين بس مري عليهم بعض المصممات الصغار و الكبار يفتحون فيه و ممكن تحصلين شي ما تلاقينه بمكان ثاني

و الحين القماش:
حبيبتي روحي البلوكات بالديرة المكان كله خامات و دوري و شوفي و راح تحصلين شي رهيب بس من أحلى المحلات الجذور و عماد

بالنسبة لفساتين السهرة شوفي:
في مجمع الصالحية محل البوشية
و في مجمع الفنار محل البوشية السوداء
في مجمع زهرة و مجمع ليلى غاليري الاسطورة
في مجمع ليلى غاليري محل فوق ما أدري شسمه تلاقينه بويهج أول ما تطلعين من المصعد


ها شرايج؟؟ ان شاء الله أفدتج

بس ها؟ أبي دعوة حلوة منج ان ربي يسلمني و اللي في بطني من الشر

يالله .الله يتمم عرسكم على خير و مبروك مقدما

وااي تعبت :)