يابنات الله يخليكم محتاجتكم....

الأسرة والمجتمع

صباح الخير .....
اخواتي بنات حواء انا عندي مشكله وبصراحه ما اثق غير في ارائكم....
انا متزوجه من شهر تقريبا وزوجي متزوج قبلي وهي على ذمته وعارفه بزواجه واتقابلنا ... مو هنا المشكله ... المشكله انه ما قاللي انه متزوج بأكتر من اتنين قبلي وحده طلقها والتانيه معاه ... بس انا اكتشفت مع الايام لمن فتحت جواله وشفت الرسايل اللي عنده وانا كنت بدور رساله ارسلها لصاحبتي وبإذنه .. لقيت رسايل من بنات باين انه كان متزوج وحده منهم والتانيه كان في بينهم مشروع زواج ... انا انصدمت لأنه ما جابلي سيره واحنا حلفنا نكون صادقين مع بعض... وفيوم جيت اخد فلوس من محفظته بعلمه طبعا لقيت عقد النكاح حقنا فتحته بأقراه وطاحت منه ورقه فتحتها لقيتها صك طلاق وكان تاريخه قبل ملكتنا بشهرين تقريبا ... وما قاللي عليه ولمن سألته بطريق غير مباشر كم اتزوجت قبلي قاللي 3 قلتله بس انت قلت 2.. قال ما جات فرصه اقولك وقاللي عليها وقال انه طلقها انا ارتحت نوعا ما انه قاللي يعني اللي شفته هو اللي قاله بالضبط ... بس انا خايفه انه دحين كمان يتزوج من غير ما يقوللي وخايفه يكون مخبي اشياء اكبر من كده ... بجد مخي ضرب مني عارفه ايش اسوي انا اصلا معقده من الرجال من زواجي الاول وقلت ربي عوضني بهادا الانسان ودحين اكتشف انه كزاب والله مصدومه فيه انا اعتبرته قدوتي لأنه على قوله ملتزم بس انا اول مره اعرف ملتزم ويكلم بنات ... يا الله رحمتك لا الملتزم عاقل ولا غير الملتزم بالله نثق في مين ... والله تعبت من التفكير قولولي اش اسوي اطنش واعمل نفسي مني عارفه شي والا اواجهه وانا عارفه انه اغلب الرجال وهو منهم ما يحب المواجهه ... والمشكله انه يبغاني احمل وانا دحين خايفه لأنه ثقتي فيه اتزعزعت والله ما كنت ابغى الشي دا يسير بس هو السبب ... الله يخليكم افيدوني ...
11
833

يلزم عليك تسجيل الدخول أولًا لكتابة تعليق.

تسجيل دخول

احلى جودي
احلى جودي
ياقلبي مافي احسن من المواجهه انتي توك عروسه ولك ميانه عنده واجهه بس باللين

الله يصلح بينكم يارب ويطلع اللي في راسك كله اوهام

من رأيي الخلفه اخريها شويه لغاية ماتتفاهموا وكمان احلى خذوا وقت شويه
GOANA
GOANA
اولا لاتحملين الحين
والرجال شكله كل يوم متزوج ومطلق وحده
انتببببببببببببهي
شوفي وين موقعك تاكدي انك مهمه عنده والدور الجاي مايكون عليكي تاكدي تاكدي
وان شاء الله مايكون راعي حركات يارب ولاتصدقين الالتزام احيناا الرجال ياخذونها شكليا وكاسمعه الله يسامحهم ويهديهم
ولا تنسين تاجلين الخلفه
وطبعا واجههههههههييييييييهههههه
الله يصلحها بينكم اميييييييييين
روووح طفله
روووح طفله
استغفر الله
حبي للكويت
حبي للكويت
مافي الا الموااااجهه واجهي واللي يصير يصير لانك للحين عروس وخليكم على بينه من اول شي اخاف تجيبون اطفال وتضيع بينكم بالمشاكل اللي يسهل عليج ورديلنا خبو شنو صااااااااار معااااج....؟؟؟؟
( قلب صافي )
( قلب صافي )
لا حول ولا قوة الا بالله

الله يكتب لك الخير وين ما يكون

تاكدي منه وحلفيه على القران انه يقول الصحيح

وبعدين تصرفي حسب قلبك ما يقولك او استخيري