شكرا يابنات على اهتمامكم وردكم على سؤالي واحب ابلغكم اني عملت الربط ليا خمسة ايام وانا الى الان نازله 2كيلو عقبال الباقي ادعولي الله يخليكم لانو بدات نفسيتي تتحسن
:27: :27: :27:

والله انا نحيفة

بس ودي اعرف اكتر عن هالطريقة

كيف سويتيها يا هاتون ؟؟؟ وكيف يعني صك الفم ؟؟؟

بأيش ينصك ؟؟ وهل ما تاكلين اي شيء ؟؟؟؟ بس تشربين ؟؟؟


اتمنى تجاوبيني ،، وتمنياتي لكم بالنحافة :26:

السلام عليكم كيف حالك يااختي جميلة الروح بالنسبة لصك الفم :27:
تروحي عند دكتور الاسنان وتتطلبي ربط الاسنان في دكاترة يربطو من الاسنان الامامية لكن هدا خطر وصعب الصح انو يربط من عند الضرس وانا كنت احسب انو يعور لكن لمن رحت للدكتور في عشرة دقايق عملو وهو عبارة عن سلك حديد زي حق التقويم وفي حلقه يحطو في ضرسين من فوق وضرسين من تحت في الجهتين وبعد كده يجيب سلك تاني ويحطو في الحلقه بالطول وممكن تطلبي منو يخليلك فتحه صغيره يعني مايلصق الاسنان مره وانا طلبت فتحه عشان اخد حبة منع الحمل في اول يوم شويه تحسي احساس غريب لكن مع الايام تتعودي 0
وعايدي اقد اشرب بس انا اشرب اشياء المفيده زي عصير الفواكه بدون سكر شوربة خضار مطحونه والقهوه والشاي بدون سكر وحليب ولبن خالي الدسم والحمدلله ماباحس بالجوع واقدراعطس عادي بس وانا صاكه فمي وهو الدكتور يوريكي كيف تفكي لانو بعد 21 يوم لازم تفكي يوم راحه وبعدين تروحي للدكور بعد يوم ويشدو تاني لمدة 21 يوم الى ان تصلي للوزن المطلوب وانتي ماتفكيه كلو بس تقصي الحديده اللي بالطول بالمقص0
والحمدلله اهو ماشي معايه دحين كملت اسبوع وانا ناقصه 3 كيلو وبامشي احيانا ساعه في اليوم0
ادعولي يابنات انزا ال27 كيلو اللي بقيت يارب :26: :26: