الا خت بنت رجال ..


انا اعاني مثل معاناتك تماما ...بس انا مشكلتي موظفه ليه 6 سنين علي ذا الحال ...

تخيلي ارجع من الدوام ثنتين ونص مهدوووووووووووووووووووووده من الفجر صاحيين ..

ارجع اطبخ غدا بعد العصر انام اصحى المغر ب وانا حالي ربي عالم به ...طفشااااااااااااانه وتعبانه ومالي خلق ..

تخيلي يعني يومي في البيت يبدا من بعد المغرب ..باقي علي المواعين والفرن وارضية المطبخ والحمامات والغسيل والكوي وتجهيز ملابس الدوام ليه ولزوجي وترتيب الصالة واستشور شعري لبكرة عشان العالم ماينفجعون من الشوشه ..غير تجهيز العشا ء والقهوة والشاهي ..
قدامي تقريبا من سبعه ونص المغرب الين 12 في الليل لازم اكون مغلقة شغلي كله ..

كاني في سباق مع الزمن ....

طبعا طلعات ما طلعات استحاااااااااالة ...مافيه وقت

ضيوف بيتي انهجر ... والسبه شغل البيت ..

الله يكتب اجرنا ..
بس بغيت اقلك انك طالما انتي في البيت منتي موظفه ..تقدرين تنظمين شغلك ..علي الاقل مجهودك ماهو متوزع زي الموظفه ...


الله يعينا ويعينك ...كنت احسب بس انا اللي قارفني شغل البيت اتاري فيه احد زي...

يا اخت منا ية الله يعين قلبك بس اذا مافية
اطفال اشوا لانة صعبة تجيبين شغالة
اما الاخت **عاشقة و هم** ابغ اعقب على كلامها اني انا ماهمني
الشغل الروتيني لان البيت فية جدران لازم تتمسح
ثريات لازم تتامع د رايش ** نوافذ ** لازم تتنظف دواليب المطبخ
وخاصة مطبخي اقعد يومين انظف دواليبة
وخاصة اذا جتني الحالة الي تجيني كل فترة اني مايجيلي نفس اشتغل وبس اتحسر واقول
ليش انا كذا وووووو الله يعين
ادعولي يابنات ان الله يحنن قلب زوجي علية مع اني عارفة ان مافية
استطاعة الوقت الحاضر 000لان مافية فلوس لاكن اقل شي يحسسني
انة حاس بتعبي 000بمعاناتي بالكلمة الطيبة
وماقول في النهاية الا
اللهم سخر لي زوجي وسخرني له وحنن قلبة علية وعلى اولادة و ووالدية
واجعلة خير قدوة لاا ولا د ة وارزقنا من فضلك وكرمك والا خوات المسلمات الحاضرات والغائبات
انك سميع مجيب

فيها الشغالات الايجار جبيها كل اسبوع او سبوعين وقت التعزيل ورتاحي عندي الرقم حكهم

ههههههه والله كلماتك طالعه من قلب خاصه اليدين انا يديني صارو حرش مرش
من الشغل لكن الحمد لله ربي معطيني الصحه والعافيه مع ان بيتي مثل اخت
كذيه وكذيه وعدد اطفالي كثرها لكن والله الشغل يرشق الجسم ويسلي احسن
من الرباده والاعتماد على هالخدامه ومطاريسها وبربسه شغلها
يعني انا استمتعت بالاسبوع اللي قضيته بدون خدامه غيرت وبدلت اشياء كثيره
ببيتي

وياليت عندي شقه مثل شقتك كان مستحيل الخدامه تدخل بيتي لانك ماعندك
غير طفله وعندك وقت فراغ وغير موظفه وبعض التنظيف يكون بالسنه مرتين
فنظمي يوم يكون فيه تنظيف للشبابيك فقط
وزوجك لازم يساعدك بنصف العمل عوديه صدقيني اذا شافك مجهده وتلحين
عليه بمساعدتك بيرضخ لطلبك ويحس فيك لكن اذا شافك ساكته بيقول
هذي قرمه ماشاء الله ماتحتاج مساعده
وانتِ وكيفك لكن خوذي هذي النصيحه مني بحكم اني ماعندي خدامه مع سبق
الاصرار والترصد خخخخخخ يعني لفتره مؤقته

لاتصيرين ياعجاج قيام ياماتذرين الطحين

مثلي بيوم اكرف كرف واجهد نفسي واطيح من التعب
لاني جمعت اشغال كثيره مره وحده وهذا غلط

اعطي كل يوم حقه بالشغل يوم

للكنس وغسل الصحون وتنظيف المطبخ
يوم بدووووووون طبخ
يوم لغسيل الملابس
يوم للاعتناء بنفسك وبنتك
وهكذا

والله يعين

وش هذا مين ..اللي يتكلم ... والله كانك تقرين افكاري.... لا تقولين فية احد مثلك ..كثير مثلك ..وانا اولهم..انا طبق الأصل..بس انا زود عنك اني موظفة.... وبيتي شقة اجار زيك..بالرياض (طبعا معروفة )
وجربت 3 شغالات.. 2 فلبينية جابولي الهم,خاصة الاخيرة السيلانية ..جننتني...مع انو زي ما قلتي...
البيت صغير..بس والله احس بمعانتك ..والله من اول ما اجي من الدوام ما انام لاني لو نمت بينام ولدي وانا ما ابغاة ينام..وبعدين الظهر اجلس اسوي الغداء طبعا وانا مرهقة... وزوجي يتغدا العصر..والمغرب احوس في ذا الصالة اذا رتبتها اروح لغرفة ولدي القاها محيوسة..واذا رتبتها القى الصالة محيوسة...جسمي تتتعععععب....باللي ما اتنام الا 11 او 12 مع اني صاحية مع صلاة الفجر...والله يا اختي حطيتي يدك على الجرح...وانا زوجي ما يعجبة شي..
مرة من المرات من شدة التعب عجزت امشي والله اني احبي بالارض بروح للمطبخ من الم ضهري..!!!
ولا عاد الخميس والجمعة يجي هم غسل الاسبوع كلة.... والكوي ..زوجي يطلع لنادي بعد الظهر..وولدي يروح للروضة وانا اروح للدوام تخيلي وش بيطلع شبك الغسيل..!!!!!!

ااخ بس... ودي مرة اسوي كريمات وخلطات لنفسي ...تعبت تعبت..وجالسة اكابر..واقول ما ابي شغالة....

والمشكلة الحين زوجي يقول لو بجيب شغالة ما بجيب الا اندونوسية..لاني جربت فلبيينة وسيلانية ولا نفعو... وانا ما اطيق الالندنوسيات...وش أسوي بتجلس تقابلني كل ما اطلع من غرفة نومي وكل ما ادخل والبس..!!!!!


لا تشكيلي ابكي لك....

وبخصوص الاخوات اللي قولون الشقة صغيرة مافيها شغل..... صح ... الشقة صغيرة ..بس ااي عايشة في الشقة مو جاية بس تنظفها تطبخ فيها وتغسل مواعين وتهتم بطفل او اكثر..وتسوف طلبات زوج ما تخلص.!!!!!!

بيباي خلاص فيني الصيحة...
الحين اكب لك وانا توني جاية من الدوام !!!!