البندري السديري @albndry_alsdyry

عضوة جديدة

يابنات اللي منكم تعرف كتاب وصفات متنوعة لمرضى السكر تقولي عليه

:06::44::44:
انا يابنات تعبت من الوسواس ليل ونهار افكر
ومنشغل بالي والله اني تعبت تعبت تعبت
خايفة على الوالد وعلى جدي وعلى جدتي من السكر لا ينكسهم وينكس حالي معهم ..
مساكين فيهم السكر ومتعبهم الله يشافيهم يااارب
فرفرت النت فرفرة ادور على برامج غذائية مناسبة لهم جربت بعضها عليهم بس المشكلة في التنويع ورحت وجبت الحلبة الخضراء ويوم جبتها انبلشت فيها لاني ما اعرف اسويها فياليت يابنات تفزعون لها المساكين بما عندكم من خبرات او علاجات جربتوها على مرضاكم با السكر او نصائح او طرق للتعامل مع الجروح والعناية با القدم الوالد تعبانة رجوله دايم جرووح وماتلتئم والله قلبي تقطع عليه من الحزن نفسي اتحرك واخفف عنه جعل يومي قبل يومه بس ورحت هذاك اليوم واخذت له فيتامينات حديد وفيتامين د وكم شغلة كذا على العميان بس من يجلس على السفرة كل شي ممنوع وهو مرررة نحيف وهزلان
نفسي ياكل وهو مرتاح نفسي اسويله طبخات لذيذة وصحية بنفس الوقت وياكلها وهو مبسوط ياليت يابنات اللي منكم تعرف كتاب وصفات لهم
متنوعة تقولي عليه والله ان تاخذون فيني وفي ها المرضى اجر مايعلمه الا الله
انا بصراحة محتاااجة كل معلومة ولو بسيطة منكم عن هذا المرض اللعين
وياليت اللي تعرف كيف طريقة اعداد الحلبة الخضراء تقولي عليها
وكمان ابغى اعرف وين القى حليب الصويا والرز البني الكامل ونخالة القمح والشعير وين يباعون هذولي في ينبع والمدينة المنورة
ولا في شركة او جهة متخصصة ببيع الاغذية اللازمة لهم زي حليب النوق الطبيعية ياليت يابنات والله انكم اخر اماااالي تعبت اقسم بالله العظيم نفسي افرح نفسي
وافرح ها المساكين اللي كل ماجت عيني بعينهم وكلمتهم عن الممنوعات الا وبكيت قدامهم مثل الطفل:04: وهم والله ماهم ناقصيني .. بس هذا هو القلب اللي ربي اعطاني اياه ... بانتظاركم حبايبي :06:

886

يلزم عليك تسجيل الدخول أولًا لكتابة تعليق.

تسجيل دخول

النفس الأبية • 13 سنة

الله يشفيهم وييسر امرك اذا عندكم بندة او جيان اتوقع تلقين الأشياء الي سألتي عنها ..

روابي2011 • 13 سنة

الله يشفيهم ويشفي مرضى المسلمين ويشفي والدتي واخوتي من ذا المرض

للمعلوميه الشيح حلو لمرضى السكر

دعواتك ...............

عذبه انا • 13 سنة

الله يشفيهم ويعافيهم ويشفي زوجي
اذا هم ياخذون ابر الانسولين ,, بامكانهم ياكلون نفس اكلنا عادي
القرفه زينه لمرضى السكر قبل الوجبه

koka44 • 13 سنة

الله يشفي جميع مرضى المسلمين

اليس • 13 سنة

خيتو لاتوسوسين ولا شيء

السكر صار منتشر بيننا والكل يعاني منه

انا كل عائلتي معاها سكر

والحمد لله ماخذين الوضع عادي اهم شيء الالتزام بالعلاج والاكل الصحي

امي وابوي وجداني كلهم وعماتي الثنتين الكبار وخوالي الثنين دوبهم صغار في بداية الثلاثين ومعاهم السكر

وبنت خالتي 25 ومعاها سكر وبنت خالتي الثانيه من يوم عمرها 5 سنوات والحين عمرها 30 ومعاها سكر

هونيها وتهون ولاتخلين الوسواس يقي عليك من كثر التفكير

وعادي ياكلون من اكلنا بس استبدلي الزيت بزيت زيتون

والسكريات طبعا ممنوع

والله يكون بعون كل مبتلى

:)