يابنات امس انقتل طالب عنزي بثانوية نجد بالجبيل الصناعيه ياربي رحمتك

السلام عليكم ورحمة الله

كيفكم يابنات امس بالليل جات رساله لولدي باول ثانوي على البي بي تقول فيه عيال من مدرستهم يضاربون عند

المزرعه ((مثل بنده ))عندنا بالجبيل الصناعيه وشوي ارسلوا ان واحد من الشباب انقتل ونقلوه للمستشفى في

حاله حرجه وانا ماصدقت الخبر قلت يمكن كذب وتعرفون رسائل البي بي

لكن للاسف يابنات اليوم جاء من المدرسه الظهر يقول الخبر صحيح وهم شباب بالثانوي اثنين اخوان حرث يعني

لقبهم الحارثي وواحد معهم قحطاني والاخير فصلوه امس من المدرسه باول ثانوي امس داخل الباص على الطلاب وهو فرحان

يقول فصلوني من المدرسه وصارت المضاربه بالليل والمقتول عنزي والي قتلوه الحرث والله اعلم

يالله يابنات والله انه نفسيتي تعبانه من عرفت الخبر وافكر في امهاتهم واهاليهم كلهم لا الي انقتل ولا الي قتلوا

يعني ليه ماعد فيه خوف من الله ليه مافي رقابه من الاهل على الاولاد يعنوا يخلفون ويرمون الشارع يربي لهم

عيالهم وليش هذولا الشباب ماعندهم خوف من اهاليهم ولا من المسؤليه الي سوووه قتل والله شي كبير ومو هين

لكن الله يجبر قلوبهم ويهونها عليهم ويهدي شباب المسلمين :06: امين يارب العالمين