بسم الله الرحمن الرحيم
يابنات انا مااقدر اطول عالنت..
السالفة باختصار
امي وابوي
امي يابنات فوق الستين وجدة وعندها احفاد ماشاء الله
يعني ماهي قد بهدلة
مااراح اذكر اللي صار لانه ابوي
وبيني وبينه امر الله(وبالوالدين احسانا)
بس ابيكم تدعون لي انا وامي واختي باقي خواتي متزوجات وكل وحدة في ديرة
ومن امس معنا عالجوالات وعيالهم بمدارس وكل وحدة شالت عيالها وكانت تبي تيجي بس امي كلمت ازواجهم وحلفت عليهم
مايخلونهم يجوو عشان العيال
يابنات..
مو لو شفتي امك مظلومة او احدن بيأذيها راح تاكليه باسنانك!!
انا امي انظلمت قدامي وانذت واتوجعت وماقدرت اخد لها حقها
مو ضعف ولا خوووف
بس لانه ابويا مااقدر اعقه
ياربي وش اسوي كيف احمي امي!!
امي كبيرة ومريضة قلب وسكر وعيونها ماتشوف زين عندها موية بيضا وزرقا
ومارحمها
وجعني باامي
احنا تعبنا فوق ال30 سنة وهم مابينهم توافق
ابد
والظلم ماله حدود
المشكلة ابوي يبرر ان هو في غضب اغلاق مثل موسى عليه السلام ومايملك اعصابه
طيب واحنا كمان مو بشر؟
يعني عقلنا مايطير على اااهة امي؟؟!!
يارب رحمتك
يابنات ماندري وش نسوي ولا لمين نروح
امي مو من هالديرة امي مصرية ومالنا احد هنا
ولا عندنا اخ ولد كلنا بنات
رحمة ربي فوق كل شي
ادعوا لنا
سالتكم بالله تدعوا لنا ربي يفرجها علينا
ويبعد شيطان ابوي واذاه عننا
ومايمد يده علينا ولا يأذينا
هو قال لوحدة من المتزوجات اخواتي
انو الحياة بينهم مستحيلة وخلاص مالهم عيشة مع بعض
مايخالف والله
اي حل بس نرتاح
انا نفسيتي تعبت انا وخواتي
اختي عمرها 30 سنة
وانا 24
وكنا مخطوبات وفسخنا
اختي فسخت قبل فرحها بيومين
وانا ربي ماكتب لي نصيب
يعني همومنا تكفينا
وحالنا حال نفسنا
من صغرنا واحنا على هالموال
ابي اتزوج ابي اطلق
وضرب واهانة ماابي اوصفها وصفها يوجعني
امي لعمرها هذا موظفة الحين راحت دوامها وانا واختي وابوي في البيت
واختي عصبية نحاول نقولها لاتحتكي فيه بس هي زعلانة على امي
ياربي انا جسمي ضعيف وقصيرة وابوي ماشاء الله طويل وسمين
مااقدرت ادافع عن امي واختي ماغير يشيلني ويرميني
ياربي كنت زمان احلم بزوج وعيلة
بس الحين خايفة مرة
ماابي اتزوج ويظلمني رجال!!
ماابي عيالي يشوفو اللي شفته
بخليهم في بطني الى يوم الدين واقابلهم بالجنة
بس على الارض اللي فيها ظلم البشر ماابي!!
ليش الظلم!!
ليش القوي يتقوى عالضعيف بقوته ونسي قوة الله
ادري موضوعي مامنه فايدة وانا ماحبيت اوضح تفاصيل
احتراما لابوي مهما كان ابوي وبيني وبينه رضا الله
بس ادعيلو لنا كثييير
ويمكن اغيب عن المنتدى شوي
ادعوا لنا يابنات حتى لو ماكتبتو رد
قولو يارب اكفيهم مااهمهم واحميهم واكتب لهم الخير وافرجها عليهم
استودعتكم الله..
(فيونكة حمرا) @fyonk_hmra_1
محررة فضية
يلزم عليك تسجيل الدخول أولًا لكتابة تعليق.
الله يعينكم ويفرجها عليكم والله اني بكيت على كلامك
يارب يجعل نهايه صبركم خير ويعوضكم ويصلح شأنكم
يارب اكفيهم مااهمهم واحميهم واكتب لهم الخير وافرجها عليهم يارب العالمين
يارب يجعل نهايه صبركم خير ويعوضكم ويصلح شأنكم
يارب اكفيهم مااهمهم واحميهم واكتب لهم الخير وافرجها عليهم يارب العالمين
الصفحة الأخيرة
لا حول ولا قوة الا بالله