يابنات اول مرة اطلبكم فلاتردوني...بحاجة الى مشوورتكم وارائكم قبل يوم الخميس

السلام عليكم ورحمة الله وبركاته

حبيباتي

بفضل الله ومنته كملت ست سنين زواج ماشاء الله عساها دوووم ياااارب

طبعا انا حامل بالشهر السادس وهذا اول حمل لي يالغاليات بحمد الله

هالاشهر هذا تعرفون مع الحمل والتعب وخاصة اني واجهت مشاكل في حملي من نزيف وحالة

وطبعا تعرفون الحامل يتوقف معضم نشاطها الزوجي خاصة لو فيها مشاكل والحمل غالي

وبطبيعية الرجال الله يهديهم ينسون كل شي كان أول من خدمة ومن حركات وايام حلوووة

واحس ان زوجي مايتكلم عني الا حالتي بهالايام يعني مثلا منعت من الطبخ والوقوف في المطبخ

فصار دايما يقول انتي نادر ماتطبخين رغم اني اول يوميا اطبخ حتى بالحمل احيانا اطبخ لاني كرهت اكل المطاعم والمصيبة انه هو الي مانعني من الطبخ:angry2:

ويقول لي روحي افتحي النت تعلمي الرومانسية:icon33: :angry2:

رغم اني وربي ماااااااااااااااااقصر دايما افاجأه بحركات وكلمات وحفلات وبكل مناسبة ودايما اهدية

وتعاملي معااااااااااه رااااااائع ماشاء الله لامن كلام ولامن تزين حتى بحملي عمره ماجاء من الشغل ومالاقاني لابسة شي جديد ومرتب ومسويته له حلا او شي ثاني لانه مايحب يتغدى العصر بس نتعشى

والمصيبة ان الى الان ورقة معلقتها بالجدار كانت تهنئة له برمضان وفيها كلام حلو كاتبته كنت مسوية حفلة له لكن الله المستعااااااااااااااااااان

صحيح يقدر تعبي ويمدحه بس كم يوم وينسى :(

وهالايام الاخ صار لي يمدح لي بالاجنبيات وانتم عارفين يالسعوديات السعودين منهبلين بمين........

مايحتاج اصرررح ودايما يذكر لي فلان تزوج بفلانه وصار احسن واسعد

والفلانيات>>>الي انتم خابرين اكثر دلع و جمال وخدمة للزوج

اقوووووووولكم جتني حالة نفسية الى امس قالي قصة لو احد كان مديون وحالته حاله وثيابه وسخة وفجاءة تحسن لاقينه مطلق زوجته وتزوج من ذيك الجنسية الله لايبلااااااااااااااانا قولوا اميييييييين

وانا فجاة اطقها صيحة من قلب هو حلس وبدأ يغير الموضوع ويمزح معاي وانا الله الواحد العالم الي بقلبي وبحالتي وخوفي وبعدها كان جمعه رحت دعيت قبل المغرب من قلب لجميع السعودين والبيوت السعودية ان ربي يحفظهم من اصدقاء السوء ويبعد عنهم حريم هالبلد الي اخذت قلوب رجالنا بسحرهم وبلاويهم و بمكرهم ودهائهم علشان يستولون على فلوس هالمساكين وهم منهبلين يحسبون كل هذا لاجل عيووووونهم غير كذا يتركوا حريمهم وبيوتهم وعيالهم ويكونون مثل المقودين ....

والرجال مايقصرون باجتماعاتهم بس مدح فيهم مايدرون انهم يحفرون قبورهم بيديهم:(

المهم مالنا بهالطويلة تراى كل هالكلام مقدمة مادخلت بالموضوع الاصلي بس حبيت اضح لكم معاناتي ومعاناة بعض الحريم علشان تساعدوني

طبعا انا متعودي كل ماكملنا سنة زواج اسوي حفلة لزوجي ماشاء الله وهالمرة ناوية احجز بفندق الفيصلية او فور سيزن انتم ايش رايكم وهل عندكم خيارات احسن واجمل؟؟

وابي اسوي حركات فيها بس ايش اسوي انا مابقى شي ماعملته اول لدرجة مرة سويت حفلتنا بالسطح وجبت كرسي وطاولة وحوض مسبح كبير وجلسة وانوار وورد وهدية يعني ماخليت شي ماشاء الله

ابي هالمرة تصير ليلتنا مميزة وبسويها ان شاء الله الاربعاء اذا ربي يسر وقولي لي كيف اقدر احجز قبل مازوجي يجي يعني اروح مع اخوي العصر علشان اجهز الغرفة وزوجي يجي المغرب هل يقبل الفندق اذا اعطاه اخوي بطاقة عائلة زوجي ولاكيف

وايش الافكار الي اقدر اسويها

وابي لعبة الزوجية احصلها هاليومين في احد يعرف كيف ولاوين تنباع؟؟

ماشاء الله علي ابي كل شي بسرعة الاخت متاخرة

ومشكوووووووووووووووووووووووووووووورين ساعدوني الله يجزاكم الجنة فانا حالتي حالة لايعلمها الا الله