يابنات بالله اللي عندها بسه تساعدني فين تطعموها

تربية البساس حلوة والاطفال يتعلقو فيها كثير ويصير لها جو بالبيت
جبنا بسة شيرازية زمان كان عمرها شهرين وكبرت عندنا وصار عمرها تقريبا ٨شهور
عيالي اتعلقو فيها جداا وماااينسوها ابدا
كانت انثى وهي الافضل لانه الذكر في فترة الاخصاب يرفع الضغط وينرفز خاصة اذا جبتي له انثى موقتا حيخليك تندمي انك ربيتي بسة لانه حيتبول //اكرم الله الجميع
في اي مكان عشان يعلم ويخليها ميزة تستدل بها الانثى
فالافضل سواء انثى او ذكر توديهم محل الحيوانات يخصبوهم هناك
وطبعا في نفس المحل هذا التطعيم وله كرت
وهما يقصصو اظافرها من فترة لفترة ويقصو شعرها اذا طول زيادة ويروشوها وينظفوها

بس احنا صراحة كنا نروشها بالبيت
اشترينا لها الشامبو الخاص بيها ومعاه جل معقم لشعرها وبودرة بعد الاستحمام والاستشوار عشان تعطيها ريحة حلوة وشعراتها تصير نااااعمة

وبالنسبة للحمام تبعها
هي تتعلم من حالها سبحان الله
تكوني اشتريني سطل خاص وتراب من نوع خاص مايطلع ريحة ابداااا ويعقم من حاله
وتلقيه طبعا في نفس المحلات الي تبيع الطيور والحيوانات
وطبعا تخلي سطل الفضلات في مكان محدد ماتغيريه عشان تعرف مكانه

والاكل متوفر في كل المحلات حقتهم وبعض السوبرماركتات
في انواع من الاكل
الي هو البروتين معلب
وفي نوع ناشف كانه بسكوت ويكون صغار وتاكله سناك مو موجبه اساسية
وصحن الموية وشوية العاب وخلاص

تربيتهم سهلة بس تحتاج روقان وحب طبيعي للبساس
انا صراحة ماحب الحيوانات بانواعها
واتغصبت عليها من كتر تعلق عيالي فيها
وكنت غااااسلة يدي من مسؤوليتها تماما
وعيالي وابوهم هم الي يخدموها اكل واستحمام ولعب
وانا اتفرج من بعيد وان قربت علي اهشها وابعدها عني

اذا تبغي نوع نادر
اعرف وحده بستها فصيلتها نادرة وحامل من فصيلة نادرة كمان
فانتاجهم بيكون حلو
فاذا قررتي ارسلي لي

ام جود ربي يسعدك
طيب معليش على سؤالي انا اخذت لفه على اليوتيوب اشوف تجارب وانصدمت من الكلاب
فيهم قلة ادب مو طبيعيه هل البسس زيهم مااعرف اذا فهمتي علي او لا
يعني اشوف الكلب يمارس ال .. بشكل مقزز مع اي شي ممكن فوق الطفل او فوق الكنبه امام الطفل الخ
هل البسس زيه والا لا
سؤال ثاني هل لاحظتي اي مشكله صحيه على اطفالك من البسس وبالنسبه للي عندك ارسلي صورها واسعارها على الخاص لو ناسبتني رح نتفق

انا اختي عندها بسة وكملت سنة عندها ولها كرت تطعيم
ومهتمة فيها اكل خاص وحمام خاص زي السطل
ومافي حركات قلة ادب
الكلاب اصلن نجسين ومافيهم الحياء الي عند الحيوانات يقضو حاجتهم في اي مكان لو تلاحظي
البسة حتى قضاء الحاجة تستحي وماتسويها في اي مكان او قدام احد تمسك نفسها وانتي تعوديها على سطل التراب الي تشتريه لها

لا الحمدلله ماجاتهم امراض
لانه الي كانت عندنا كنا نشيك عليها

وبالنسبة لقلة الادب مافي مرة
وقلت لك الافضل انثى عشان الشكل برضو
خاصة اذا بنت بتستغرب اكيد

انا عندي بسه لعيالي انصحك خذي انثى لان الذكر يعلم منطقه بالبول ممكن يبول على الاثاث الانثى افضل كثير وانظف وابغا انبهك لشي يغيب عن الكثير الي هو ان كل شي تحطيه لها احسبي الاجر في ذالك حرمه بغي دخل الجنه لانها سقت كلب فانتي كلشي تعطينها احتسبي الاجر وغير كذا ياقلبي راسليني على الخاص لو عندك اي اسفسار عيوني لك