هلا بأحلى بنات منتدى عالم حواء .
المهم يابنات إحنا إن شاء الله بنبدا نبي بيت العمر بعد العيد .. ياليت يابنات تعطوني نصايحكم من ..
ـ ناحية الأرضيه احط سيراميك او جرانيت او رخام في الصاله والغرف والمطبخ والمدخل يعني
وش احسن شي في كل ركن من اركان البيت.. والغرف احط موكيت وإلا سيراميك .. وش احسن
نوع من السيراميك والجرانيت الإيطالي وإلا ايش .. وابي نوعيه ماتزلق لإنه عندي اطفال .
ـ ومن ناحية الصبغ تعتيق او في نوع ثاني احسن . انا ودي اصبغ غرفة الضيوف لون بطيخي واحط
كنب لونه بني غامق مخمل والخدايات ذهبي وبني مشجر وش رايكم حلواولا .. وغرفة الأولاد اصبغها
لون سماوي فاتح كامل . او نص لون غامق ونص فاتح .. وغرفتي يابنات لونها موف فاتح وش احسن لون للجدار يناسبها واصبغها كلها كامله اونص ونص .. وطبعا انا ماعندي بنات بس بخلي
غرفه لونها وردي للبنات .. وبسوي صاله مفتوحه ودي اصبغها لون بيج واحط كنب لونه زيتي وش
رايكم .. وطبعا المطبخ بسويه مسكر عشان الريحه ماتنتشر في البيت وفيه مخزن وياليت اللي
عندها صور مطابخ مسكره تحطها لي .. وغرفة الملابس والخدامه احطها فوق اوتحت . وياليت يابنات
تعطوني تصميم بيت يكون مجلس الرجال فيه معزول تماما عن البيت .. ومن ناحية المكيفات مركزي اوعادي .. وطبعا الغرف كلها فوق مع حماماتهم . وغرفتي ابغاها كبيره شوي ويكون فيها جزء
للجلوس وباب الحمام اخليه داخل الغرفه اوبرا . وطبعا مساحة الأرض 800 م وهي ارضين مش
ارض وحده وياليت اللي عندها تصميم حلو للبيت من برا تحطه .
والله يجزاكم خير ويعطيكم الصحه والعافيه ردوا علي ولاتبخلون علي
ولو مااحبكم ماسألتكم وانا واثقه انكم تعطوني إجابات حلوه مثلكم
يله انتظرررررررررررركم عشان ارويه زوجي .
وانا من السعوديه من المنطقه الشرقيه
يلزم عليك تسجيل الدخول أولًا لكتابة تعليق.
هلا حبيبتي ان شاءالله تبنون بيتكم بالعافيه والله يسهلها لكم عاد تدرين نحن باقي لنا شهر او شهر ونص او قولي بعد العيد بننتقل لبيتنا (بيت العمر)ان شاءالله بس شنو اقولك وااااااااااااااي واااااااااااااااااااااااااااااااااااااااااااي تعبت حدي انا وريلي محتاجين نروح اجازة يكون في منتجع صحي كله مساجات وتدليك واسترخاء لان فعلا وصلنا انقطه خلاص اعصابنا دماااااار بس الحمدلله الف الحمدلله سوينا كل اللي نفسنا فيه شوفي عيوني انا انصحك تسوي غرف النوم كلها بحماماتها انا عندي تقريبا سبع غرف بحماماتها والكل قالو زين ما سويتوا وكلهن فيهن درسنج عدا غرفة الضيوف لان ما في مساحه وصدقيني عيوني الالوان اللي قلتي عليهم روووعه انا انا صالتي مسويه لون زيتي فاتح جدا المجلس لون مصفر وغرفتي الرئيسيه لون كابتشينوا وبقيه غرف الصبيان ما بين الليموني والازرق وفيه غرفه بنفسجي كنت بكمل بس مضطرة اطلع الحين لي عودة ان شاءالله
أم الطيب
•
نصيحة لوجه الله
لاتحطين السيراميك المعتق لان يتراكم الوسخ فيه
خليك عالرخام احسن او السيراميك الغالي
ومنزل العافيه حبيبتي :)
لاتحطين السيراميك المعتق لان يتراكم الوسخ فيه
خليك عالرخام احسن او السيراميك الغالي
ومنزل العافيه حبيبتي :)
الصفحة الأخيرة
انا بيتي حاطه الدور الارضي رخام روزا برتغالي لانه رسمي اكثر في اماكن الاستقبال ولو انه غالي بس حلو والدوراللي فوق انا حاطه الصاله والممرات بورسلان والغرف كلها سيراميك مطفي بدون لمعه ونصيحه لا لا لا لا لا لا تحطين موكيت
والبويه طبعا معتقه بمعجون او ساده كله حلو
وغرفتك كبريها بحيث يكون فيها مساحه لعمل جلسه وحمامها داخلها والدواليب تكون بزاويه مستقله عن الغرفه
والتكيييف مركزي افضل او اسبليت المطبخ افضل المسكر
وغرفة الشغاله انا حاطتها في الدور الثالث لكن لو علي اشوف ان المفروض اذا البيت مساحته كبيره تكون غرفتها تحت علشان تكون قريبه منك اذا احتجتيها بشغل وافضل لمتابعة تحركاتها هههههههه حشى استخبارات بس لزوم الامن وش نسوي
وبالنسبه للالوان اللي ذكرتيها غرفة الضيوف مش ولا بد الالوان والصاله ممكن وعموما انتي لو رحتي السوق بتلقين الوان جديده ومشرقه اكثر لان الالوان اللي ذكرتيها كلها غامقه
وانا قلت لك رائيي من واقع تجربه وانتي شوفي اللي يناسبك