براعم وبس
بالنسبة للي اولادهم يتابعون نيكلوديا اتوقع ان اهدافها تنصيريه بحته وفيها سحر شعوذة اتمنى تتابعونها مع اولادكم وتتأكدون
الصفحة الأخيرة
يعلموهم ع القبلات وكيف تتعرف الفتاه ع شاب والأعجاب وهي توهاطفله يفتحونهم ع اشياء وسخه.
غير الكارتونات السامجه الي فيها تقليص لعقلية الطفل وتكسبه خيالات كاذبه مثل ام بي سي ثري
ومالهم اي هدف ..
رجعنا للفيديو---> عندنا مكتبه كامله حق افلام كارتون حقت ابوها وخواته يوم كانوا صغار اخذنا الأشرطه ورتبتهم
عندي بمكتبتي .
حاليآ صارت تتابع الي كنا نتابعه وحنا صغار.. والديفي دي
اخليها تشوف حكايات عالميه هايدي سالي وكعبول وسينان ماروكو
فلونا وبومبا وحكايات لعبه وسندرلا وبيضاء الثلج والأقزام السبعه والأحدب وقطعه 13 ولولو الصغيره
افتح ياسمسم برنامج تعليمي هادف. المناهل انا واخي وانا واختي
زينه ونحول بشار رانزي عقلة الاصبع الشناكل السنافر
ليدي سوسن اليس في بلاد العجائب ساندي بل كارتون نساء صغيرات
ساسوكي بوليانا حكايات لاتنسى بيرين علم الأقزام
حنين عدنان ولينا سندباد سفينة الأصدقاء الأسد الملك
السيده ملعقه كوالا ميمي الأحلام الذهبيه طم طم
جورجي ليدي. يعني وفرة لها كل الكارتونات الهادفه والمحترمه
---> ماخليت شيء من الكارتونات القديمه ماوفرته لها ..
وهم
بعض من كارتون الجديده
ديزني بس الهادفه وكلها ع اسطوانات ومخصصه لها وقت . وماخليها دايم تنسدح وتشوف. والي مو متوفر ابحث با النت
واحمل لها كارتون وانزله ع اسطوانهرطة
والحمد الله حبت الافلام هذي واقتنعت انها احلى من الي تشوفه. وهم انا اجلس معها
واتفرج وربي من جد وناسه . اتعبوا شوي بتحصلون نتيجه افضل
وكل حلقات الكارتون كامله متوفره بكل استديو واذا ماقدرتوا عن
طريق النت ارجعوا حق الفيديو والأشرطه والديفي دي.
حسيت بتحسن في وضعها وتفكيرها غير الفايده من بعد ماتخلص الحلقه .
اناحلفت اني اشفر حتى القنوات الثانيه حقت مسلسلات الاتراك والمدبلجات الفاسده.
ترى با البدايه بتلاقون صعوبه في منع الاطفال كنه فطام بس بعدين راح يتعودون.
انا با البدايه قلت لبنتي خرب التلفاز وصار مايجيه بث لهذي القنوات عشانها قنوات شيطانيه .
وشوي شوي تقبلت الوضع لين صار طبيعي وارتحت نفسيآ اكون عارفه وش تطالع ومارح يمر مقطع
مخل للأدب وغير كذا هادف وفيه اشياء حلوه ينهون الاطفال عليها مثل الكذب والذوق والاحترام
اتمنى كل بيت يحذفم .. لأنها تسلب عقول الاطفال وتقلص تفكيرهم يصيرون خيالين وتفكيرهم رجعي.
علموهم وربوهم ع ماتربينا وتعلمنا. اقدر اقولكم ان حنا تقريبن
شبه استغنينا عن التلفاز اذا بنتابع قنوات اسلاميه او مسلسلات
بسيطه مثل باب الحاره او برامج تثقيفيه وتوعيه .او اذا بشبك لها ع جهازها ناسيه اسمه بس كل اشرطته تعليميه .
وغير الوقت الي يهدر والطفل وراه مذاكره ونوم وهذي القنوات
مالها نهايه شغاله ليل نهار خلت اطفالنا لايعرفون يذاكرون ولاينامون
ومستواهم الدراسي بدا ينزل..
فطريقتي افضل اشغل الكارتون اذا خلصت مذاكره وتكون هي عارفه ان الحلقه
مارح تفوتها موجوده في اي وقت تشوفها وتشوف خلقه حلقتين وخلاص
انتهى المشاهده وتكون مرتبه اكثر ونظاميه . مومثل هذي القنوات الي تخلي الطفل
طول يومه مسدوح ومبقق عيونه بتلفاز ولايفرق بين ليل ونهار
وغير السمنه الي صرت اشوفها با البنات والاولاد
من كثر السدحه ع التلفاز واكل الشيبسات
صحه مافيه كسل خمول .
سوري ع الأطاله بس حبيت افيدكم بتجربتي ..