انا جيت كيفكم بنات يالله لاذحين ماتفقتو الناس وصلت المريخ واحنا لسا ماتفقنا على وقت الله يسعدكم FROOOOHA اول مين يدخل الحديقه عيالي بعدين انا يعني جيبي عيالك اجل لايش حطين ألعاب عشان سواد عيونك ولا عشان عيالك وعيالي وعيال الناس هاهاها خلاص العصرالساعه 5 ونص وياويلكم تغيرون الوقت لأني مليت ابغا مواضيع جديدة

انا مفجوعه
انا ودي اقعد واتعرف عليكم برواقه ماالومك ماتعرفين عيالي ؟!!!!!!
بس ماشي ابجيبهم اذا عيالك الله مصلحهم يمكن ينعدون عيالي منهم!!!!!!!!
والموعد حلو جدا وان شاء الله مايتغير

يالله جيبوا موضوع جديد <<<<< تموت في السوالف

كيفك يابنات
عندي لكم موضوع انساني بحت <== حلوه بحت
يابنات موضوعي اسمه( ياباغي الخير اقبل...... (انا وكافل اليتيم كهاتين في الجنه)
يابنات جمعيتنا الملك عبد العزيز بحاجه ماسه لكفلاء الايتام
ويش رايكم لو كل وحده تشترك مع ثانيه او اي احد من معارفها او تقدر تتكفل لوحدها
كل وحده تدفع 100 ريال كل راتب تكفل فيه يتيم وشوفوا كيف الخير بيهل عليكم من فضل الله وعشان نيتك وكفالتك لهذا اليتيم وجبر لخاطره
نظامهم ان كل يتيم يحصل على كفيل الكفيل يدفع 200 ريال كل شهر او كل نص سنه او كل سنه يجمعهم ويعطيهم او تشوفيلك احد يشترك معاك
تحددين جنس الطفل ذكر ام انثى (وهذي ليست مشكله كلهم ايتام) ويسون لك ملف فيه كل شي عن هذا اليتيم
وكل شهر يعطونك اوراق له تبين لك وين وصل من جميع الجوانب الصحيه والتعليميه وحياته العامه يعني كانه طفلك وانتي تتابعيه
الموضوع الي تقدر تروح للجمعيه وتشترك بالي تقدر عليه الله يرزقها من حيث لاتحتسب
والي ما تقدر تروح انا ممكن اساعدها واوصل لها فلوسها واجيب لها التقرير كل شهر واسجل معلوماتها عندهم
والله انا مابغى غير الخير لكم لان( الصدقه تطفي غضب الرب وتدفع ميتة السوء )
وتخيلي اجرك في الكفاله وعليها اجر تعليمه واجر مساعدته والله الله لو طلع من تحت كفالتك يتيم حافظ لكتاب الله او داعيه وش نبغى اكثر من كذا؟؟؟؟
يالله اشوف همتكم عسانا نلتقي يوم القيامه جنب رسول الله وتكون اخوتنا في الله على خير ونكون في ضله يوم القيامه ونكون من احسن صداقه في الانترنت ونكون استخدمناه في الخير والحلال
هااااااااااااااااااااه وش رايكم؟؟؟؟

السلام عليكم ورحمة الله وبركاته

اخباركم بنات تبوك ؟؟

اول مره ادخل واشارك معكم

اولاً : حبيت اهني الاخت ( عطيتك ) على المحل , زرتها انا واخواتي يوم الخميس

وادعي لها من كل قلبي بالتوفيق وان الله يوفقها ويرزقها الخير كله . آآمين

ثانياً : ابي اسألكم عن معاهد اللغات في تبوك ؟ وين الافضل ؟ واللي درست

دبلوم لغة هل استفادت ؟ او حتى اللي خذت لغة برا منطقة تبوك وين وكم المدة ؟؟



الله يجزاكم الجنه ردوا لي ..

وفرصة سعيدة نلتقي فيكم ونفيد ونستفيد

عطعط الله يعطيكي العافيه حبيبتي ويجعله في موازين حسناتك يارب بس انا ماعندي راتب يعني دخل شهري ثابت ماعندي ينفع ادفع كل شهر مبلغ معين