((((((انا ماراح اموت ابد ابد تدرون ليش!!!!!!))))
انا عندي بنتين راح يكبرن وراح اجيب اولاد وراح انتقل لمديني لاني بغربه اربع سنوات
وراح اغير اثاث بيتي واطلع واجي وستانس بحياتي
وانا الحين بجهز لزواج اختي بعد اربع شهور
افكر وش البس وش اعمل تسريحه ونيولك وعند اي مشغل احجز
صح انا حجزت فستاني يجنن ياخذ العقل اف وايت استايل غريب ومتاكده اني بغطي ع الحضور
راح يتزوجون اخواني وبحضر زواجهم
راح اكبر بهدنيا والصراحه طفشت من التفكير ابغى اكون مميزه انا وبناتي بلبس بتربيه وبتعليمهن ودايم افكر انا وزوجي لو تطول غربتي عن مدينتي وش راح يكون وضع بنتي بتدخل المدرسه وماعندها احد تعرفه وابشركم اتفقنا انا وزوجي بخليها عند امي لين تتعود بنات اخواتي واخواني وتخلص الصف الاول وبناخذها في حال ماجاء نقلنا هي الحين عمرها ثلاث سنوات
الحين منشغله اي سوق اشتري لبناتي ربيعي وش اشتري لاختي هديه توها جابت ولد وناويه على هديه حلوه لاني اكبر همي بهدنيا التميز وين اسافر بهصيفيه
وبعـــــــــــــــدين
بختصااااااااااار
انا ماراح اموت انا باعيش لاخر العمر وبناتي بكبرن واولادي وازوجهم اسافر واجي وانبسط بهدنيا
لين اليوم لمن اذن الفجر واصحى من نومي بكل تكاسل ومغمضه عيوني ما ابغى افتحها حيل اخاف يطير النوم من عيوني مثل العاده اذا صليت الفجر يطير النوم واطول مانمت
واتوضاء والبس رداء الصلاه وابداء اصلي وانا مررررررره نعسانه واثناء صلاتي بداء امام المسجد القريب حيل من بيتي بتقويم لصلاه وبدا الصلاه وقراء الحمد وبدا بـ ايه انا مادري اي سوره بس ايه والله لعظيم كان الله مرسله لي ايه اول ماسمعتها كان مويا باااااااارده نكبت على وجهي صحتني من النعاس والغفله اللي انا فيها صحصحت ونسيت صلاتي واندمجت معاه قلبي تقطع ياربي وش ذا وين انا عايشه ليش مافكرت بالموت وساليه عنه وانا اللي ضامنه عمري وهمتني دنيتي
كانت الايه (((واذا جاءت سكرت الموت,,,الى اخر الايه
والله يابنات خلص الامام قرايه وركع وانا ركعت سجدت سلمت وانا كاني بحلم وتفكير ياربي وشلون انا غافيه ومتى تجيني لحظه الموت ولما تجي وش قدمت لاخرتي وش بتكون خاتمتي وش بيكون وضعي عند السؤال وعندما اترك الدنيا اللي طالما تعبت وان اقدم فيها واميز فيه وش من الاعمال اللي بتمشي معي وش الاعمال الصالحه اللي بتذكرني فيها الناس بعد مماتي
ااااااااااااااااااااااااااااااااه يابنات
رجعت لفراش وانا بدوامه تفكير ماتتصورونها ياربي متى بتكون وفاتي وبموت من ايش حادث حريق سكته قلبيه
بنات بختصار متى نصحى من غفـلتنـــــا ونفكر باخرتنا
وباخر موضوعي اتمنى تدعون لي ان ربي مايشغلني الابطاعته ويهديني
وَجَاءَتْ سَكْرَةُ الْمَوْتِ بِالْحَقِّ ذَلِكَ مَا كُنْتَ مِنْهُ تَحِيدُ*وَنُفِخَ فِي الصُّورِ ذَلِكَ يَوْمُ الْوَعِيدِ *
وَجَاءَتْ كُلُّ نَفْسٍ مَعَهَا سَائِقٌ وَشَهِيدٌ *
لَقَدْ كُنْتَ فِي غَفْلَةٍ مِنْ هَذَا فَكَشَفْنَا عَنْكَ غِطَاءَكَ
فَبَصَرُكَ الْيَوْمَ حَدِيدٌ
.
نعم يجب علينا التذكير لاتلهينا ملذات الدنيا وشهواتها عن الاخره
جعل الله ماكتبتيه في موازين اعمالك