يابنات تعالوا شوفوا القصه وقولولي اشرايكم في هذا الزوج

سلام يابنات حوا الغاليات ~


طبعا انا راح اقولكم قصه حقيقيه حصلت لوحده من اعز صديقاتي وابغى اعرف رايكم في هذا الزوج لانها ماهي عارفه

طبيعة تصرفه هل هوه حب او تضحيه ~

المهم صديقتي هذي تزوجت وعمرها 18 وكانت مو مرتاحه عند اهلها وتزوجت واحد عمره 31 لانها قالت في نفسها

بيكون حنون وراح يدلعني لاني اصغر منه بكثيير بس للاسف طلع مو الي في بالها بس كان رسمي جدا ويهتم باهله

اكثر وما كان يحس فيها ولا يحسسها بحبه لها ابدا وكانت تنجرح منه كثير ~ طبعا حملت منه وولدت بولد وفرحوا فيه

بس للاسف زاد جفاه وبروده ~ بس كاان يهتم فيها جنسيا ~~ الين ماقدرت تتحمل وبعد الولاده بكم شهر تعلمت على

الانترنت واستخدمته بالطريقه الخطا ~ مع العلم انها كانت جدا بريئه وطيبه لابعد حد ~ طبعا دخلت على الشات لمجرد

ضياع الوقت ونسيان جروحها ~~ ومع الوقت تعرفت على شاب ومن شاب لشاب وكانت تكلمهم كثيير الى ان زوجها

شك فيها وفي الفاتوره الي كانت تنزل مبالغ بس هوه حب يعطيها فرصه وماحب يدخل في خصوصيتها لانه كان يثق فيها

وماكان يدري طبعا ~ الين ماجا يوم ودخل عليها وهيه تكلم وكشفها وعرف الحقيقه لانه اجبرها تعترف ~ طبعا ترجته

انه مايطلقها وهوه تعب جدا حتى انه سار يستفرغ دم الله يكرمكم ~ مرت الايام وهيه كانت كل يوم تعترف بحاجه

حتى انها قالت لامها وقالت انها ندمانه وانه هوه السبب الي دفعها لهذا الشي طبعا تعبت امها لدرجة انها دخلت

المستشفى ~ كان مره يوم في حياتهم يمر عادي ماكانه حصل شي ويوم يكونون تعبانين جدا ~ بعد فتره قالها

خلاص احنا مانقدر نعيش مع بعض بس هيه رفضت وهوه قدر رغبتها ~ وبعدين صار يرسلها كل يوم رسايل حب

ويعبرلها عن حبه وانه تغير معاها ~ طبعا بس فتره واحيان يجلس يبكي ويقول انتي خنتيني ويقولها انا صرت اطالع

في الحريم ويجذبوني انا مكنت كذا وكان اغلب ايامه نكد وتعب نفسي ~ ومع الوقت نسيوا الموضوع وتغلبوا على

على هذي المشكله وصاروا عايشين حياتهم الطبيعيه كما لو انهم عرسان ~~ طبعا هذا بعد سنه من العذاب

كان يقولها انا ابتحمل وانسى عشاني احبك وعشاني اقدر اهلك لانهم مايستاهلون ~ والحين طبعا صارلهم

ثلاث سنوات وهم مع بعض ويحبون بعض جدا ~ حتى ان الناس يحسدونهم على هذا الحب ~



طبعا انا نفسي اعرف معقول نسي الجرح بكل سهوله او انه طاب وعوضته ~~ مع العلم انه انسان طيب جدا

وشهم وفيه رجوله وعاقل ~ بس المشكله فيه انه مو رومانسي وهيه رومانسيه جدا ~~



الحين ابغاكم تقولولي اشرايكم في هذا الزوج ؟؟؟؟ ارجو التفاعل وشكرا :)