يابنات تعالوا واسوني بحياة الذل والقرف اللي انا عايشتها 😔

السلام عليكم ورحمة الله
بدايةً بنات ابيكم تحنون علي بالكلمه الطيبه لأني والله محتاجتها وربي فيني كسسسر من داخلي الله أعلم فيه

انا متزوجه من 4سنوات
تزوجت واحد عنده كمية عقد نفسيه الله وحده عالم فيها انسان حقود كئيب احيان طيب بس احس طيبته لمصلحه اما اذا حس عندي فلوس من اهلي او يبي غرضه هذاك وهالشي يصير ويييييين ووييين
بخيل مايعطيني فلوس الا بالعافية واحس لما يعطيني اياها عايفتها بس وش اسوي لازم اشتري لي خلاقين ~~> مو ملابس زي الناس لا :(


صنم مايسولف وان جيته مفرفشه وابيه يسولف يصكني بكلمه احس الهرج ينشب بحلقي وارجع لغرفتي :( زي مثلاً وش تبين بصوت مستفز وقوي

انطوائي مايبي احد يجيه ولا يبي احد يكلمه


فيه برود جنسي غير طبيعي 24ساعه عالجوال حتى اهله لما يروح عندهم يقولون له لاتجينا وانت عيونك عالجوال بس


كرهته وكرهت عيشته حتى لما اروح عند خواته يسبون فيه والله محد يحبه ومايقولون لي غير الله يعينك :( طيب دامكم تعرفونه تظلموني معه ليش


جيبو له وحده انعزاليه مثله

انا وحده فرفوشه احب اضحك واسولف اجتماعيه احب الزيارات واني اطبخ واعزم ويشرفوني جاراتي واهلي وحبايبي

كنت ارسم احلام واحلام بس من تزوجت وانا في صدمااات عاجزة اصحى من الاحلام وعاجزة اقتنع في واقعي

رغم اني انسانه صبورة ولا اعايره بعيشة الفقر اللي عايشتها
مع العلم بنفس الوقت احس بالظلم من اهلي رموني على انسان مافيه رحمه والله يابنات برمضان امي عطتني فلوس تقول هذا زكاة ابوك ما اقدر اوصف لكم الشعور اللي هزني كن كهرباء دخلت جسمي
قلت لالا انا يجيني حافز مابي شي من احد وبعدين قالت ابوك حلف قال خلاص خذيها هديه

والله انجرحت طيب ليه مو من بدري قلتي هديه ليش تحسسيني بالفقر والذل ليييش

اهلي ماشاءالله مبسوطين وربي منعم عليهم وواضح الفرق بيني وبينهم لكن والله لو ما القى شي ما اطلب منهم

اما زوجي امس طلبته مصروف وهو يبي يمشي اهله اسبوع قلت عطني مصروف ابي اشتري لي بجايم ابي اقضي لي حاجات
قال ماعندي قلت كيف ماعندك اتق الله فيني
قال وتلوميني اني بغرفه وانتي بغرفه قلت كذاب انت تنام هروب من المصروف وقام

ومن امس لايكلمني ولا هو معتبر ان فيه حدة معه


يابنات والله كرهته ماغير ابكي المشكله امه كل شوي تلمح عن الحمل

بالله كيف احمل وهذا نادراً مايجيني ؟!

وبنفس الوقت دايم افكر واقول انا ضحية هالرجال مابي احمل ويجي طفلي ضحية منجد ان هذا ابوه انسان جامد لامشاعر ولا احساس ولا حتى ضمير

حسبي الله ونعم الوكيل ذبلت فحياتي وعجزت وانا بعز شبابي
وما انام غير دمعتي تسبق غمضتي
سامحوني عالاطاله