يابنات تعالو عطوني حل مع شغالتي الاندونيسيه وها اللي تسويه ..!!

السلام عليكم


اخواتي عندي مشكله مع شغالتي الاندونيسيه ومش عارفه شالحل .. علماً اني كتبت موضوعي بالتفصيل وجاني ولدي وطق لي على الكيبورد طيير كل اللي كتبته >> مقهوره منه :09:


انا جبت شغاله اندونيسيه وهي اول مره تشتغل ... وشغلها مثل وجهه بارده جداا وشززه ودايم تخز بعيونها وتقز قز ... ماحلفتوني انها تجلس واقفه تناظر بالجدار او بالباب او اي شي تافهه او حتى تناظرني وانا اشتغل زي الصنم لو ابو الهول يلتفت هي تلتفت ... يعني تظل حوالي خمس او سبع دقايق تناظر في الشي زي الصنم بدون حركه والله اني اخااف منها ....

... وماتعرف تشتغل لين علمتهل شغالة اختي بعض شغل البيت .... المهم السالفه تطول في ذلك ....

المهم لاحظت عليها من جات والان لها شهرين ونص... كل يوم تتغفلني ولصارت بروحها تششقق ورق دفاتر بشكل صغير.. وتجمع كميه كبيره ولشفتني تخبيها على طول ...... في البدايه احسنت الظن فيها .. قلت يمكن زهقانه وتتسلى لكن تكرر كثير معها هالشغله ولسألتها تقولي اونلي اونلي ... يعني بس كذاعاد هي ماتعرف لا عربي ولا انقلش .... .. ومن سالتها غيرت الموجه قامت تشقق من ورق الجرايد كل يوم تخبي لها جريده وتشقق حوالي صفحه كامله ... توزعها كل يوم بصفحه لاني اعرف المكان اللي تحط الجريده فيه واشيك عليها ....

لجمعتهم تخبيهم وتتصرف فيهم بطريقتها يعني ما اشوف اي اثر للورق هذه .. لا في زبالة المطبخ وانتم بكرامه ولا في الحمام ... يختفون ... والكميه كبيره يعني ترست ايديكي يالوحده مليانه ورق ... واشوفها تشد حيلها بتشقق الورق يعني الامر جد ....


ومدري شالحل معها بصراحه خايفه منها ....


ومن اسبوعين كذا كتبت رساله لاهلها .. وقريت كلامها لان فيه بعض الكلامات بالانقلش واشوفها مكرره اسمي واسم زوجي فيها .......


خليت وحده اعرفها عندها شغاله اندونيسيه تقرأ الرساله ... وكاتبه فيها لاهلها ... انكم اقرو لي في ماي وارسلوه لي علشان مدام تحبني ... !!! اشلون بيرسلونه لها :eek:

وتشتكي انها تعبانه من الشغل علماً اني والله ما اكلف عليها بالشغل لاني محتاجتها بالحييل لاني حامل وجاي رمضان وابي اطيب خاطرها علشان تتحمل عيالي وتتحمل شغل الشقه .... وعلما اني مو من الحريم اللي يخلون شغالاتهم يطبخون لهم ولا حتى شاي ولا قهوه تسويها .... ومعطيتها اللي تبيه وموديتها معنا العمره في العطله .... لكن ناكرين المعروف ...

انا قريت في احد المنتديات عن شغاله تشقق ورق القران وانها تستخدم الشياطين في هالشي لتقربهم لها وخايفه تكون مثلها هذي وكلن بطريقته.....

المهم في السالفه شالسوات مع هالورق اللي تشققه ؟؟

والشي الثاني لجاتها الدوره ما اشوف اي اثر حق الفوطه الصحيه اللي يعزكم في زبالة الحمام يعني مالها اثر ابد ...!!!

وتجلس الحمام بالساعات ولناديتها بالموت ترد علي ولطلعت تقول معفوسه ... مش عارفه ترد علي وعلى كلامي ...

والله لو ودي رجعتها لمكتب بس اني حامل ودايخه وجاي رمضان وتعب وكلها كم شهر وبولد ومحتاجه للخادمه ....

مدري يابنات هي ساحره ولا كيف وايش تنصحوني فيه الله يجزاكم خير


اعذروني اخواتي على الاطاله ولو في اخطاء املائيه لاني اكتب بسرعه ...

ابي ردكم الله يوفقكم يارب