يابنات تعالو قولو لي وش الاغراض اللي تاخذونها للبر(للكشته)

اهم شي اغراض الطبخ ( حتى لو مانتي طابخه خوذي اغراض مثلاً صحون ملاعق بيالات فناجين سكاكين) ( سكر ملح بهارات ليمون اذا كنتي بتطبخين في البر )
ملابس لاولاد ولك يكون ثقيل ومع كذا شال

انا اهم شي عندي في البر
الكاميرا :)
و ماء التغسيل و الصابون والمناديل و المناديل المعطره

و المكسرات و الشيبسات و ترمس شاي و قهوه وتمر
و ماء حار << للكابتشينو

و الملاعق و الصحون و الكاسات ورق

ولصقه جروح

واذا بتشبون يبي لك حطب و كبريت

هذا اللي في بالي اللحين

صباح الخير اختي

الاخوات اللي سبقوني ماقصروا بس انا حابه اقولك البطانيات مهمة جدا جدا يعني عالاقل يكون معك ثلاث لان معك اطفال
انا عندي ولد واحد واذا رحت البر اخذ بطانيتين عشانه

الملابس كثري منها لك ولاولادك لان برد البر ما يرحم قبعات وشالات وجلفزات لك وللاولاد طبعا الترامس حقت الشاهي والقهوة واكيد ماراح تنسينها

اممممممممم وش بعد

ايه مناشف عشان لو غسلتي الاولاد تنشفينهم عن البرد

وبعد الخبز لازم يكون معكم ويكون اكثر من كيس لان البرد يجوع والاطفال بيجوعون من البرد حتى لو كان يوم واحد بس اعملي حسابك بالاغراض اللي قالوها البنات لك واللي ذكرتها لانها مهمة

الحطب والكبريت مهم ويفضل تاخذون معكم (مشب) مدري اسمه كذا والا لا اللي يحطون فيه الحطب عا لو بردتوا تحطون الحطب فيه بعدين تاخذونه عندكم في الخيمة طبعا اذا انتوا تحبون الدفا <<<<<<<<<<<<<< ترا اختكم في الله برادة وتحب الدفا مدري اذا انتوا مثلي وموب لازم تشترون المشب اذا ماعندكم لانه يأجر

وبس هذا اللي ذكرته الحين ولو تذكرت شي ثاني راح افيدك

رحلة موفقة اختي وانشاء الله تنبسطون فيها

واقي شمس وفازلين
مسحات طبيه
خافض حراره للاطفال
بنادول او اي مسكن

بس ماقلتي بتطولون والا بس يوم وراجعين؟؟لان معك علم استعداد يوم يختلف عن استعداد ايام

يؤ الله يعينك على البرد اهم شي البسي ولبسي عيالك عشان ماتمرضون لاسمح الله
والبنات اللي قبلي ماقصرو في الاغراض ورحله سعيده