يابنات تكفون شورو علي متضايقه حيل،،

السلام عليكم بنات حواء،،،


ياحبيباتي متضايقه حيل ومدري وش اسوي،،،

ببدأ على طول،،،انا ساكنه في مدينه واهلي موجىدين في نفس المدينه ،،،وام زوجي في مدينه ثانيه ،،،
المهم زوجي اخذ اجازه شهر من عمله وقرر اننا نروح مدينة اهله واصلا هي ديرتنا كلنا يعني ديرتي وديرته سوا،،،المهم اهلي كانو ناوين يروحو معانا بس جت ظروف وماعاد بيسافرون معنا،،،،قلت اجل انا ماني رايحه ،،روح انت سلم على امك وريح كم يوم وارجع قال اوكي،،،،المهم قبل يومين قررت امه تجي وفعلا جت وراحت بيتها لان عندها بيت هنا،،ودوبها وصلت اليوم الصبح وزوجي اللي جابها من المطار،،،،المهم ع العصر كذا جاء عندي يقول انا بروح ديرتنا اسبوع وبرجع بروح اغير جو ومدري وشو،،

انا قلتله ليش تروح وامك جت وحنا هنا انا وعيالك خير ياطير وش معاك هناك،،،قال بروح اتنفس واشم هوا واغير جو مكروف ليل ونهار مايحقلي اتنفس شوي،،،،قلت لا ماله داعي تروح وتخلينا واصلا كنت بتروح عشان امك الحين وش الطاري بتروح ،،،،

المهم هو الحين مقرر انه يروح ومجهز اغراضه وملابسه وناوي وانا ولا كأني اتكلم،،،،

ييابنات شورو علي وش رايكم بتصرفه هذا،،،انا اشوف ان ماله داعي ،،،المفروض يقول كيف اخلي زوجتي وعيالي ويروح ويخلينا على ان اهلي بيتهم جنبي بس مهما كان ،،،،

واللي بيقولون ليش ماتروحي معاه،،،مالي خلق صراحه وبعدين مابيطول بس اسبوع وبعيده مره وسياره بعد،،،وهو اصلا روحته مالها داعي والله بس يبي يتمشى ،،،،


الله يخليكم بنات قولو لي وش اسوي ،،،،