السلام عليكم ورحمة الله وبركاته
طبعا ابدخل بالسالفه واحاول اختصر جارتي عندها ماشاء الله 5 بنات الثالثه متزوجه والاكبرمنها لسى ماتزوجوا المهم الكبيرة هذي انخطبت مرتين وفي كل مرة تتفركش الخطوبه طبعا بعد كتب الكتاب
المهم هذي الكبيرة مجننه اهلها بالبيت طبعا انا ماكنت ادري بس اعلمكم كيف عرفت كانت هي واختها اللي بعدها على طول متزاعلات مايتكلموامع بعض وانا امون عليها مرة وهي تحبني ودايم تجيني او اطلع انا وهي نتمشى عند الباب طبعا انا ساكنه في الاردن وجارتي اردنيه المهم نرجع للسالفه قلت انتي واختك ليش ماتكلموا بعض قالت تهاوشنا على تنظيف البيت قلت انا دايم اتهاوش انا واختي ونتراضى بعد يومين وهما تقريبا لهم شهر ماتكلموا مع بعض وانصحها شوي واخليها المهم واروح البيت
بعد فترة تقريبا اسبوع جت اختها اللي متهاوشه معها قلت لها كيف اختك معك قالت والله يام عبدالله انها الا الان مقاطعتني ومو انا بس حتى امي واخوي لها 5سنين ماتكلمه هنا طارت عيوني قلت البنت ماهي طبيعيه وقالت ماهي هذي اول مره دايم تسوي كذا وتضرب وتهاوش وفي البيت قلت طيب خليها تجيني ابغى اكلمها
طبعا البنت ياحرام جتني وجلست وسولفت معها وقلت افتحي لي قلبك وانا مثل اختك طبعا هي الكبيره وانا اكبرمنها بسنتين قلت سولفي خوذي راحتك ياحياتي على طول جلست تبكي تبكي تبكي بعدين قلت معليش طلعي كل اللي في قلبك ان كان البكاء يريحك المهم سكتت وبدات تتكلم وكانت البنت حاقده على امها بقوة وتتذكرمواقف من عمرها 5 سنوات ومنها ان امها دخلتها الحمام وضربتها وضربتها وكان عندهم زواج وتقول انكسرت رجلها وطبعا غير سوالف اللي في البيت وان امها واختها دايم يتامروا عليها وان امها تكرها وان امها تحرش ابوها
طبعا البنت تكذب اعلمكم كيف عرفت انا عندهم تقريباكل عصر البنت ماتتحرك من مكانها ولا تشتغل وامها ياحرام تصب لها الشاي واشياء كثيره المهم انا سويت نفسي مصدقتها قلت طيب ليش ماتشتغلي مع امك قالت ان امي ماتشكر اشتغل ماشتغل ماتشكرانا مليت من الدنيا وجينا نتكلم عن الاخره قلت طيب انتي تبغى تموتي طيب سويتي شي لااخرتك ليش ماتصلي قالت انا يام عبدالله كنت اصلي بس قطعت الصلاه قلت ليش قالت احس اذا صليت سخط ربي على اكثر يعني تصير امور وتتفركش وتقول السبب اني كنت اصلي قلت استغفري ربك ونصحتها بس علىطول قفلت موضوع الصلاة ورجعت على امها قلت خلاص انتي تغير وشوفي هم كيف راح يتغيروا قالت ان شاءالله وطلعت وقالت اشوفك بكره وقلت لها بس وانتي تكلمي امك واختك قالت ان شاء الله طبعا راحت وانا لما جاء من بكره تقريبا الساعه 10 دقت على الام وكنت نايمه وتقريبا دقت 3مرات ورديت عليها ياحرام قلب الام قالت انا بدي اجيك شوي يام عبدالله قلت خلاص بس اجهز القهوة
وجت الام وجلست وتقهوينا وقالت ان بنتها اللي اصغر من الكبيره اللي قلت نادي لي اختك اللي علمتني عن علاقة اختها باهلها عرفتوها ((اقول اخلسي لتجيك النعله))قالت انك عارفه اللي بينهم وانك راح تكلميها عشان تتعدل قلت والله البنت فيها حاجه مو طبيعيه اجيها منى تجيني منى وبعدين الصراحه شكلها حاقده عليك بشكل كبير وانا اشوفك معه كويسه ياحرام الام قطعة قلبي عيونها تحجرت خلاص بتبكي قالت والله يام عبدالله لو تشوفيني كيف اداريها والله اني فضلتها على بناتي الثانيات والله اني اعطيها اكثر منهم واجهز الغداء وودي لها في الغرفه بس والله مانبي مشاكل في البيت بس تسمع صوتي ترفع صوتها حتى ابوها لو يكلمها بتقول انت مالك خص شودخلك تقول الام والله انها مغلبتني كثييييييير المهم وتجلس وتتكلم وتتكلم وتقول عن خطابها تركوها وطبعا كله منها هي اللي ماتبغاهم والاخير قالت له بعدشهرين تقريبا انا مااحبك احب واحد ثاني وتقول امها طيب مين الثاني خليه يجي يخطبك قالت مافيه حدى بس انا مابدياه
المهم ناصل للزبده وهي الاساس البنت حلوه وتجنننننننن ماشاء الله عليها وتقول امها كانت احلى من كذا بعد وشعرها للركب طبعا ماشاء الله عليهم هم شقران واللي تجي عيونهم ملونه وولدي 24 ساعه عندهم ماعدوه ههههه المهم وتقول كذا ناس جوهم يخطبون قلت يمكن نفس احد فيها بس اللي اتضح لي ان البنت شكل فيها مس عاشق والله اعلم لان النت مانست طيحت الحمام حتى انا سالت امها بس ماقلت انك انتي اللي ضربتيها قلت هي كد طاحت في الحمام قالت ايه طاحت وانكسرت رجلها وتقول وقتها كانت فلقت قمرودبدوبه تخيلوا البنت الحين وهي كبيره كلامها بس عن الشعر والبياض بس تركز على هالشين يعني اللي بيضى تلاقيها تناظرها وتقول انتي جسمك ابيض بيجننن واللي شعرها حلو والله تروح تفكه لها وتمقل فيه شكل الربع الي فيها يحب الشعر والبياض المهم قلت ليش ماتودوها شييييييييييييخ توقعوا ايش ردت الام قالت اني شفت وحده في مجلس وقالت اللي تروح الشيوخ تطلع من المله لاحول ولاقوة الابالله قلت لاكلامها غلط يمكن هي تقصد السحره او اللي يتعاملون بالسحر وقالت بالله عليك عادي قلت ايه حنا في السعوديه كثير قالت والله حنا عندنا كمان بس انا ماني عارفه يمكن يكونون سحار قلت والله الساحر اتوقع على طول يعرف اسمك ويطلب فلوس والله انا ماني داريه بس اسالي ياحرام والله لما شفت فرحة الام ان بنتها في امل تتعافى كيف انبسطت وقالت ان شاء الاسبوع الجاي بوديها فياليت الاخوات الاردونيات اذا تعرفوا شيخ كويس افيدوني
وبعدين جلست انصح الام وانها تهتم بالاذكار وتنبه بناتها قبل مايروحوا زواج او خطبه يقروا المعوذات ماشاء الله انا الاحظ عليها انها تتقبل واكتشفت ان فيه اشياء مايعرفونها عن الدين ياليت يكثروا الواعظات ودورالتحفيظ ماشاء الله شفت وحده عند جارتي جايه من عمان لابسه خمار ومتدينه وبتقول انها تحضردروس دينينه في المسجد يعني هم عندهم قابليه بس في اشياء يجهلونها
انا طولت عليكم كلمه اخيره حافظوا على الاذكار وسموا على عيالكم وادعواللجميع بالعافيه والستر
يلزم عليك تسجيل الدخول أولًا لكتابة تعليق.
الله يشفيها طيب خليها تروح للشيخ عايش القرعان باربد والله ماشاء الله عليه زي مشايختنا بالسعودية ونفسه حلوه بالتعامل شوفي مقاطعه باليوتيوب وحاط رقمه ربي يشفيها ويلم شملها هي واهلها وطمنينا عنها ...الله يجزاكي خير على طيبتك وسعيك لهم بالخيرالله يشفيها طيب خليها تروح للشيخ عايش القرعان باربد والله ماشاء الله عليه زي مشايختنا بالسعودية...
الف الف شكر لك ياختي وربي ماقصرتي وربي يعطيك العافيه
يارب ياكريم تلقين لهم الحل وتنحل مشكلتهم على ادينك ياربيارب ياكريم تلقين لهم الحل وتنحل مشكلتهم على ادينك يارب
اللهم اميييين
اللي ريحني الحمدلله انه في مشايخ ثقه الله يعافيها يارب
اللي ريحني الحمدلله انه في مشايخ ثقه الله يعافيها يارب
* rrrrr* :
لا يمكنك مشاهدة هذا التعليق لانتهاكه شروط الاستخدام.
××××××××××××
الله يهديك بس ..
وربي لو ارسلت لي على الخاص يمكن رجعت وحذفتها بس دامها كتبتها بردها خلاص خليها موجوده
الله يهديك بس ..
وربي لو ارسلت لي على الخاص يمكن رجعت وحذفتها بس دامها كتبتها بردها خلاص خليها موجوده
الصفحة الأخيرة
شوفي مقاطعه باليوتيوب وحاط رقمه ربي يشفيها ويلم شملها هي واهلها
وطمنينا عنها ...الله يجزاكي خير على طيبتك وسعيك لهم بالخير