يابنات جدة عندكم أسواق خاصة للنساء

اهلا بك
انا سمعت ان محل نعومي يبيع فيه حريم والله العالم

العود

سلام ...

عندك محلات بودي شوب ونعومي .. يكونوا مفتوحين على بعض موجودين في النجار والحجاز .. فرعين

وفي عندك في مركز التحلية التجاري .. محل حق حريم .. فيه جلابيات .. بس اسم المحل ناسية والله

وفي فشارع التحلية مركز اسمه ( فيرست بلازا ) فيه محل ( وجوه ) على ما أعتقد ان بس حريم بس لسسه ماني متأكدة .. يوم الأربعاء برووح ان شاءالله واتأكد .. بس أظن انه بس حريم




بالتوفيق يا حلووة

معليش نسيت اقوولك ..

هذا غير البوتيكات النسائية .. اذا كنتي تبغين فساتين يعني

اللي أعررفه أنا بوتيك مي فتياني .. وحواء اممممممممم في كثييير والله بس ناسيتهم

اذا تبغي اسمائهم قوليلي واسألك ان شاءالله

في البساتين برضووه .. محلات كثير نسائيه لانجري وعبايات

وكمان في مركز الخياط .. رباعيات وبعض المحلات زي شانيل

اعتقد في المساعديه برضوه نعومي نسائي

واذا تبغي ملابس سهرات زي ماقالت مارينا فيه بوتيكات كثير
هذا الي اتذكروه

عفوًا أختي مارينا .. حبيت أفيدك بأنه محل وجوه اللي في مركز فيرست للعوائل مو للنساء فقط .. هو يبيعون فيه حريم بس الدخول يكون للعوائل .. فكره جدًا مالها معنى :)
كل الهدف منها أن الشباب ما يدخلون للقسم هذا .. لكن البائعات يكونون بمكياجهم الكامل و بكل زينتهم قدام زوجك لو دخل معك :16: