يابنات جده والي راح لجده وش احسن اماكن فيها

انا من جدة
بس بصراحة ما احب ارووح اغلب اماكن التماشي لانه اعوذ بالله كلها مسخره
مثل اغلب المنتجعات ودرة العروس والكباين وهالخرابيط
انا عن نفسي بس اروح البحر
او روحي خليج سلمان مررره حلو ورايق والجو بديع والبحر نظيف بس روحوه في النهار
وبصراحة الطريق من جدة لمن خليج سلمان جلد يخوف لو روحتوه في الليل قمة الرعب

واحب اروح القلزم او ثول السمك عندهم مرررره طعم احلى من المطاعم
وخذوا لفة في ثول فيها بحر حلو

المطاعم عندك الداتني ايطالي وفي ابو نواس نفس المطعم مرررره عادي بس اكلهم طعم
وانا بصراحة مو كثير اعرف للمطاعم^^\\

الاسواق عندك العرب مول كل شيء فيه
التحلية مليااااااااااانة اسواق ومراكز
والبساتين
وعزيز مول مع اني ما اطيقه بس اسمه مول وفيه اشيا كثير
هذا اللي يحضرني ورحلة موفقة

سبحان الله وبحمده

ياكثر المجمعات في جده الاندلس حلو وفيه معرض دائم للديناصورات عزيز مول ومجمع العرب كبير وفيه كل الماركات وعندك هيفاء مول جديد والعابه حلوه اما المطاعم شامي معقول الكزر رايق وفي مطعم ياباني مره حلو في شارع التحليه يسوي الاكل بطريقه حلوه وانتي جالسه يعني قدامك يطبخ ويقدم ان شاء الله اكون افدتك

اهلين اختي الغاليه انا عيالي بيحبو يروحو الاركان الي في المكتبات الشراع حلو لو رحتي بدري مسبح الاطفال مناسب المولات صاير كل شارع بمول ماشاء الله ههههه المطاعم عندك مطعم لاثاني روعه اكلهم والمطعم نفسه عادي هذا الي في بالي الحين والبنات ماقصرو

يالغلا جده حلوه بس للي يعرف يتمشى فيها صححح ...

ويعرف الاماكن الزينة ...

عندك المولات اشكال الوان ( مجمع العرب / الردسي مول / الاندلس مول )

ملاهي الشلال / الهابي لاند

استراحات السمك على طريق المدينة ( القلزم / المرجان / الساحل الغربي )

المنتزهات على الكورنيش ( الودعه / الجزيرة الخضراء / الشراع )

ابحر الشمالية ( كنز ابحر / مرسى الاحلام )

فندق الحياة بارك منتجع متكامل ومطاعم وكافيهات

بالنسبة للمطاعم

عندك مطعم نوش لاونج / الشيزان الهندي / كهف البحر / البابايا / الدوار المصري

حلواني كوزين لبناني

اروما كافية بالحمراء

الخيال مطعم تركي مرره رهيب يسار دوار التاريخ

عندك كمان شارع التحلية كله ماركات عالمية وكافيهات ومطاعم فخخخمه ...

اي استفسار كلمنيني خاااص .. :)