يابنات جربت الخلطه واخيراً انتهت جميع مشاكل شعري تعالوا اقول لكم

السلام عليكم ورحمة الله وبركاته

ابقولكم عن قصة شعري كان مافي لمعه وغير ناعم ماخليت خلطه ولا زيت الا استخدمته لكن
بمجرد مااستخدم الشامبوا يطلع باهت وبدون حيويه (يعني تقدرين اتقولين كل مشاكل الشعر
فيه من تساقط الى بهوت وجفاف...............) لحدمااكتشفت العلاج عن طريق تجريب خلطه
من المنتدى (الله يجزي الكاتبه الف خير يارب) وبصراحة بهرتني النتيجه من اول مرة لدرجة
اني كل اشوي اروح للمرآة واطلع شعري واقول في داخلي ياسلام روعه جنان وبصراحه حبيت
اكتب لكم تجربتي علشان انتوا تستفيدوا بعد والحين ابتدي في الكتابه مع الشكر الجزيل
لاصحاب الخلطات ياالله بسم الله:

1ـ الخلطه الي قبل الشامبو وهي (مايونيز الشعر): تخلطين صفار اربع بيضات(او ثمان على
حسب طول شعرك) مع كميه مناسبه من (7انواع من الزيوت او ثمان) المهم تخلطين الزيوت
قبل مع بعضها بعدين تخلطين معها صفار البيض ثم تقومين وتحطين على شعرك شوي شوي
لين تغطي شعرك كله بعدين تغطين شعرك بقبعه بلاستيك وتتركينه لمدة لاتفل عن اربع ساعات
بعد مرور الاربع ساعات او اكثر وجيتي بتدخلين الحمام علشان الغسيل خذي فوطه وبلليها
بماء ساخن وسوي لشعرك حمام زيت ونغسل الشعر بالشامبو بعدين نجي للخطوة الثانيه والاخيرة

2ـ قبل ماتدخلين الحمام تقومين بخلط ملعقه من كل من:عسل ابيض+زيت زيتون+صفار بيضه وحدة+بلسم فاشكول بالعسل+بلسم فاشكول بالثوم.(بصراحه انا استخدمت حمام زيت ثاني واحد على ثوم والثاني على القمح وليس من نوع فاشكول) المهم بعد غسل شعري من الشامبو وضعت على شعري لمدة لاتقل عن ساعه وبعدين غسلته بالماء جيدا بعدها شوفي النتيجه اشلون تبهر لاوبعد السشوار جنان

نصيحه: بما انك ستضعين الخلطه الثانيه مدة لاتقل عن ساعه انا انصحك بغسل شعرك قبل الاستحمام يعني زي مايغسلونه لك في الكوافير بعدين حطي الخلطه الثانيه وانتظري ساعه بعدين قومي بالاستحمام

(الخلطات من عند الاخوات انا فقط مجربه الله يجزيهم الف خير وادعولي بنات)